સુરત / અલીશા પટેલ હવે ગુજરાતની પ્રથમ ટ્રાન્સજેન્ડર મહિલા બની, સરકારે આપ્યું ઓળખપત્ર, જાણો સમગ્ર કિસ્સો

• ગુજરાતની પ્રથમ ટ્રાન્સજેન્ડર મહિલા
• અલિશા પટેલને મળ્યું નવું ઓળખપત્ર
• લિંગ પરિવર્તન પ્રક્રિયામાં લાગ્યા 3 વર્ષ 

સુરતની અલીશા રાજ્યની પ્રથમ ટ્રાન્સ વુમન બની છે. સુરતમાં સંદીપ પટેલની સફળ સર્જરી કરવામાં આવી જે બાદ ટ્રાન્સ જેન્ડર મહિલા અલીશા પટેલને રાજ્ય સરકાર દ્વારા પ્રમાણપત્ર આપવામાં આવ્યું છે. આમ સંદીપ પટેલ હવે અલીશા પટેલ તરીખે ઓળખ મેળવનાર ગુજરાતની પ્રથમ ટ્રાન્સ જેન્ડર મહિલા બની છે.

ગુજરાતની પ્રથમ ટ્રાન્સજેન્ડર મહિલા

સંદીપને 12 વર્ષની ઉંમરથી જ લાગ્યું કે તેને સ્ત્રીને ગમતી વસ્તુઓ વધારો પસંદ છે, એટલું જ નહીં સંદીપને છોકરીઓને ગમતી તમામ વસ્તુઓ સારી લાગવા લાગી અને અચાનક જ ગુલાબી રંગ ખૂબ જ પસંદ આવવા લાગ્યો હતો. સંદિપ અન્ય છોકરાઓની જેમ કાર અને બાઇકને નહીં બલ્કે ઢીંગલી પસંદ કરવા લાગ્યો હતો.

અલિશા પટેલને મળ્યું નવું ઓળખપત્ર

સંદિપ પોતે પણ અંદરથી સ્ત્રી હોવાનો અનુભવ કરતો જે બાદ તેણે પુરુષમાંથી સ્ત્રી બનવાનો વિચાર વ્યક્ત કર્યો હતો. જે જાણી પરિવારને સૌ કોઈ અંચબો પામી ગયા હતા. જોકે બાદમાં પરિવાર પણ સંદિપમાંથી અલીશા બનવા માટે રાજી થઈ ગયો હતો. અલીશાએ જણાવ્યું કે તે જ્યારે સ્કૂલ, કોલેજ અને ઓફિસમાં જતી ત્યારે ભેદભાવનો સામનો કરવો પડતો પણ મારા આંતરિક સંઘર્ષ વચ્ચે મારા પરિવારે ઘણું સમર્થન કર્યું છે.

લિંગ પરિવર્તન પ્રક્રિયામાં લાગ્યા 3 વર્ષ 

જોકે આપણા સમાજન કેટલીક માન્યતાઓ અને રુઢીઓના પગલે કારણે તેણે પોતાની અંદરની સ્ત્રીને દબાવીને રાખી હતી. જોકે સંદિપે આ માનસિક દ્વંદ્વ સાથે તેણે ડિપ્લોમાનો અભ્યાસક્રમ પૂર્ણ કર્યો અને આગળ જીવન વધ્યારું પરંતુ આખરે એક દિવસ નક્કી કર્યું કે, જે પોતે અંદરથી જે છે, તે જ વ્યક્તિત્વ જીવવા માંગે છે. જ્યારે 39 વર્ષની ઉંમરમાં સંદીપે એક મહત્વપૂર્ણ નિર્ણય લીધો હતો અને ત્રણ સર્જરી કર્યા બાદ તે સંદીપમાંથી અલીશા પટેલ બની ગઈ છે. તે સાથે તેને જાતી બદલાવાનું પ્રમાણપત્ર પણ સરકાર દ્વારા આપવામાં આવ્યું છે રાજ્ય સરકારે પણ સંદિપને અલીશા પટેલ તરીકે મહિલા હોવાની માન્યતા આપી દીધી છે.

આ મારે માટે એક નવો જન્મ છે-અલિશા પટેલ

ગુજરાતની અલીશા પટેલ કે જે હવે નિયમો અનુસાર રાજ્યની પ્રથમ ટ્રાન્સ મહિલા બની ગઈ છે. અલિશા કે જે ચાર દશકાથી આંતરિક ફેરફારનો સામનો કરી રહી હતી અને આખરે તેને મોટી સફળતા મળી છે. અલિશા  પટેલે જણાવ્યું કે જેન્ડર ડિસ્ફોરિયાની સારવાર બાદ પરિવર્તન પ્રક્રિયામાં 3 વર્ષ લાગ્યા અને 8 લાખ રૂપિયા ખર્ચ કરવા પડ્યો. હું એક મહિલા તરીકે મારું જીવન ખુશીથી જીવી રહી છું. અલિશાએ પોતાનો પુનઃ જન્મ થયો હોવાનું પણ જણાવ્યું છે.