મર્ડર / આપણે આ કેવો સમાજ બનાવી રહ્યાં છીએઃ અલીગઢ હત્યાકાંડ મામલે પ્રિયંકા ગાંધી

ઉત્તર પ્રદેશનાં અલીગઢમાં અઢી વર્ષની માસૂમ બાળકની ક્રૂર હત્યાનાં મામલાએ જોર પકડ્યું છે. કોંગ્રેસ મહાસચિવ પ્રિયંકા ગાંધી વાડ્રાએ આ ઘટનાને અમાનવીય કરાર કરેલ છે અને દોષીઓને આકરામાં આકરી સજા આપવાની પણ માંગ કરી છે. આ સિવાય બોલીવુડનાં કલાકારોએ પણ આ ઘટના બાદ સોશિયલ મીડિયા પર પોતાનાં ગુસ્સાની વાત કરી છે.

પ્રિયંકાએ આ ઘટના પર ટ્વિટ કરીને દોષીઓને સજા અપાવવાની માંગ કરી છે. આ સાથે જ તેઓએ પીડિત પરિવારજનો પ્રત્યે પોતાની સહાનુભૂતિ દર્શાવી છે. આ ઘટનાએ રાજનીતિક રૂપ લીધા બાદ એસએસપીએ આ મામલામાં પાંચ પોલીસકર્મીઓને સસ્પેન્ડ પણ કર્યા છે.

अलीगढ़ की मासूम बच्ची के साथ हुई अमानवीय और जघन्य घटना ने हिलाकर रख दिया है। हम ये कैसा समाज बना रहे हैं? बच्ची के माता-पिता पर क्या गुजर रही है ये सोचकर दिल दहल जाता है।अपराधियों को कड़ी से कड़ी सजा मिलनी चाहिए। https://t.co/2DUSCOm5qe

— Priyanka Gandhi Vadra (@priyankagandhi) June 7, 2019

કોંગ્રેસ અધ્યક્ષ રાહુલ ગાંધીએ પણ આ ઘટનાની આકરી નિંદા કરતા દોષીઓને સજા અપાવવાની માંગ કરી છે. તેઓએ ટ્વિટ કરીને કહ્યું કે, 'ઉત્તર પ્રદેશનાં અલીગઢમાં માસૂમ બાળકીની દર્દનાક હત્યાએ મને હેરાન અને પરેશાન કરી દીધેલ છે. કેવી રીતે કોઇ એક શખ્સ એક બાળકની સાથે આવો ક્રૂરતાભર્યો વર્તાવ કરી શકે છે? આ ભયાનક ગુના માટે કોઇ પણ રીતે સજા મળવી જોઇએ. ઉત્તર પ્રદેશ પોલીસને હત્યારાઓ સજા અપાવવા માટે તેજીથી કાર્યવાહી કરવી જોઇએ.

The horrific murder of a little girl in Aligarh, UP has shocked and disturbed me. How can any human being treat a child with such brutality? This terrible crime must not go unpunished. The UP police must act swiftly to bring the killers to justice.

— Rahul Gandhi (@RahulGandhi) June 7, 2019

આ હત્યા પર સમગ્ર દેશનો ગુસ્સોઃ
દિલ હલબલાવી મૂકે તેવી આ ઘટનાને લઇને હિંદુસ્તાન હાલમાં ઉકળી રહ્યું છે અને સોશિયલ મીડિયા પર પણ લોકો પોતાનો ગુસ્સો વ્યક્ત કરી રહ્યાં છે. આ ઘટનાને લઇને લોકો સતત ટ્વિટ કરી રહ્યાં છે અને દોષીઓને આકરી સજા અપાવવાની માંગ લોકો કરી રહ્યાં છે. ફિલ્મ જગતથી લઇને ક્રિકેટ જગતનાં દિગ્ગજોએ આ ઘટનાને લઇને ટ્વિટ કર્યું છે અને વારદાતની આકરી આલોચના કરી છે.

આ માસૂમ બાળકીની સાથે જે હેવાનિયત થઇ, તે માનવીયતાને શરમમાં મૂકી દેનારી છે. તેને બિસ્કિટ આપવાની લાલચમાં બોલાવી હતી અને તેની બાદમાં હત્યા કરી દેવામાં આવી.

શું બની હતી ઘટના?

ઉલ્લેખનીય છે કે ઉત્તરપ્રદેશનાં અલીગઢમાં માત્ર ર.પ વર્ષની માસૂમ બાળકીની નિર્મમ અને ક્રૂર હત્યાએ સમગ્ર દેશને હચમચાવી નાખ્યો છે. એક ર.પ વર્ષની બાળકીની નિર્મમ હત્યા કરી તેની લાશને કચરામાં ફેંકી દીધી હતી. ત્યારે કોંગ્રેસ અધ્યક્ષ રાહુલ ગાંધીએ આ બાળકીની હત્યાને લઇને દુઃખ વ્યક્ત કર્યું છે. આટલી ઘૃણાસ્પદ અને ભયાનક ઘટના પાછળનું કારણ માત્ર રૂ.૧૦,૦૦૦ છે. મૃત બાળકીનાં પિતાએ રૂ.૧૦૦૦૦ ઉછીનાં લીધા હતાં અને તેઓ રૂપિયા ચૂકવી નહીં શકતા આરોપીઓએ તેમની બાળકીનું અપહરણ કર્યું હતું અને ત્રણ દિવસ બાદ તેમનાં ઘરની નજીકની કચરાપેટીમાંથી બાળકીની લાશ મળી આવી હતી.

પી.એમ. રિપોર્ટ અનુસાર ર.પ વર્ષની બાળકીનું ગળું દબાવી હત્યા કરાઇ હતી. પોલીસે બંને આરોપીઓની ધરપકડ કરી લીધી છે. અલીગઢનાં ટપ્પલ વિસ્તારમાં થયેલી બાળકીની હત્યા અંગે પોલીસે જણાવ્યું છે કે અમે આ મામલાની તપાસ રાષ્ટ્રીય સુરક્ષાધારા હેઠળ કરીશું અને આ કેસને ફાસ્ટટ્રેક કોર્ટમાં મોકલીશું. આ ઘટના બે કોમને લગતી હોઇ અલીગઢમાં ઘટનાસ્થળની આસપાસ મોટી સંખ્યામાં પોલીસ દળો તહેનત કરી દેવાયાં છે. બાળકીના પિતા બનવારીલાલ શર્માની ફરિયાદ પરથી જાહિદ અને અસલમ નામની બે વ્યક્તિની ધરપકડ કરાઇ હતી.