ઉત્તર પ્રદેશના અલીગઢમાંથી એક આશ્ચર્યજનક મામલો સામે આવ્યો છે. જ્યાં કન્યાએ અચાનક લગ્ન કરવાની ના પાડતા બંને પક્ષોમાં જોરદાર હોબાળો થયો હતો અને આખો મામલો પોલીસ સ્ટેશન પહોંચ્યો હતો.
ઉત્તર પ્રદેશના અલીગઢમાં કન્યાએ અચાનક લગ્ન કરવાની ના પાડી
કન્યાના ઈન્કાર બાદ બંને પક્ષોમાં જોરદાર હોબાળો થયો
વરરાજાના હાથની આંગળીઓ કપાઈ છે તેનાથી કન્યા પક્ષ અજાણ
હળદર લગાવવાની વિધિ શરુ થઈ અને કન્યાએ પાડી બૂમો
આ મામલો અલીગઢના સિરોલી ગામના થાના છરા વિસ્તારનો છે. લગ્ન સમારોહ દરમ્યાન વરરાજાનું સારી રીતે સ્વાગત કરાયું. વરપક્ષના લોકોએ ખાવાનું પણ ખાધુ અને વરમાળા પણ પહેરાવાઈ. ફેરા પણ ફર્યા, કન્યાની માંગ પણ ભરાઈ. ત્યારબાદ કન્યાદાન સમયે હાથમાં જ્યારે હળદર લગાવવાની વિધિ શરૂ થઈ અને વરરાજાએ પોતાનો હાથ આગળ વધાર્યો તો કન્યાએ બૂમો પાડી અને તેણે લગ્નની વિધિ પૂર્ણ કરવાની ના પાડી દીધી. કારણકે વરરાજાના એક હાથની ત્રણ આંગળીઓ કપાયેલી હતી.
કન્યાએ લગ્નની ના પાડતા થયો હોબાળો
કન્યાએ લગ્ન માટે ઈન્કાર કર્યા બાદ આનંદીતભર્યા આ સમારોહમાં ખલેલ પડી. કન્યાએ આરોપ લગાવ્યો કે વરરાજાના હાથની આંગળીઓ કપાઈ છે તેવી જાણકારી અમારાથી છૂપાવવામાં આવી હતી. તો સામે વરરાજા પક્ષ તરફથી આરોપ લગાવવામાં આવ્યો કે બંને વચેટીયાઓને બંધક બનાવ્યાં છે.
હોબાળો થતાં પોલીસ ઘટનાસ્થળે પહોંચી
વરપક્ષનું કહેવુ છે કે વરરાજાની આંગળીઓ કપાયેલી છે તેની માહિતી આપવામાં આવી હતી. ત્યારબાદ લગ્ન નક્કી કરવામાં આવ્યાં છે. આ જ કારણ છે કે લગ્નનો કાર્યક્રમ લગભગ નક્કી થયો છે. પરંતુ વિદાયની ના પાડી દીધી. કાર્યક્રમમાં હોબાળો થતાં સ્થાનિક પોલીસ ઘટનાસ્થળે પહોંચી ગઇ હતી.