ઉત્તર પ્રદેશના અલીગઢ જિલ્લાના કોતવાલી ઈગલાસ વિસ્તારમાં સગાઈના પ્રસંગ દરમિયાન DJ પર મહિલાઓ સાથે ગામ લોકોને ડાંસ નહીં કરવા દેતા ગામ લોકોએ સગાઈના પ્રસંગમાં પહોંચીને ધોકાવાળી કરી હતી.
અલીગઢમાંથી એક વીડિયો વાયરલ થયો
ડીજે પર ડાંસ કરવાની ના પાડતા બઘડાટી બોલી
ધોકા અને ડંડા લઈને તૂટી પડ્યા
ઉત્તર પ્રદેશના અલીગઢ જિલ્લાના કોતવાલી ઈગલાસ વિસ્તારમાં સગાઈના પ્રસંગ દરમિયાન DJ પર મહિલાઓ સાથે ગામ લોકોને ડાંસ નહીં કરવા દેતા ગામ લોકોએ સગાઈના પ્રસંગમાં પહોંચીને ધોકાવાળી કરી હતી. ગામ લોકો દ્વારા ઘરમાં સગાઈ કાર્યક્રમમાં ઘૂસી આવ્યા હતા અને મારપીટ શરૂ કરી હતી, જેનો વીડિયો વાયરલ થયો હતો. સોશિયલ મીડિયા પર વાયરલ થઈ રહેલો આ વીડિયો ઈગલાસ વિસ્તારનો હોવાનું કહેવાય છે. પોલીસે આ વીડિયોને ધ્યાનમાં લઈને કાર્યવાહી કરવાના આદેશ આપ્યા હતા. અલીગઢ જિલ્લાના ઈગલાસ વિસ્તારમાં રહેતા અને ગુજરાતમાં એરફોર્સમાં નોકરી કરતો યુવક ઉદયવીર સિંહની સગાઈનો કાર્યક્રમ ચાલી રહ્યો હતો.
મહિલા સાથે ડાંસ કરવાની ના પાડતા બઘડાટી બોલી
સગાઈ કાર્યક્રમની ખુશીમાં ડીજે પર જોરદાર ડાંસ ચાલી રહ્યો હતો. ડીજે પર સગાઈ કાર્યક્રમમાં આવેલી મહિલાઓ પણ ડાંસ કરી રહી હતી. મહિલાઓને ડીજે પર ડાંસ કરતા જોઈને અમુક લોકો મહિલાઓની વચ્ચે ઘૂસી આવ્યા અને ડાંસ કરવા લાગ્યા હતા. ગામલોકોને આવી રીતે મહિલાઓની વચ્ચે ડાંસ કરતા જોઈને તેમને ત્યાંથી હટી જવા કહ્યું. જેના પર ગામ લોકો અને મહેમાનો વચ્ચે બોલાચાલી થઈ અને ગામલોકોને ડાંસ નહીં કરવાની વાત જામી નહીં. બાદમાં બંને પક્ષ વચ્ચે બરાબરની જામી, જોત જોતામાં ડીજે જંગનું મેદાન બની ગયું.
ગામ લોકો ડીજે પર નાચ ગાન ઠઠોડીને પોતાના ઘરે પહોંચ્યા અને ઘરેથી લાકડા અને ડંડા લઈને સગાઈ કાર્યક્રમમાં આવી ગયા. જે ઘરમાં સગાઈને લઈને તૈયારીઓ ચાલી રહી હતી, ત્યાં થોડીવારમાં બઘડાટી બોલી ગઈ. ડીજે પર ડાંસ કરવાની ના પાડનારા લોકો પર થોડીવારમાં ધોકા લઈને તૂટી પડ્યા. જેમાં કેટલીય મહિલાઓ અને પુરુષો ઘાયલ થઈ ગયા હતા. બૂમો પાડવા લાગતા થોડીવારમાં અફરાતફરી મચી ગઈ હતી. સગાઈમાં આવેલી અડધો ડઝન મહિલાઓ ઘાયલ થઈ ગઈ હતી. સગાઈના પ્રસંગમાં આવી રીતે ધોકાવાળી થતાં મહેમાનોએ વીડિયો ઉતારીને સોશિયલ મીડિયા પર વાયરલ કર્યો હતો.
પોલીસે કાર્યવાહી કરી
પોલીસ અધિકારી શુભમ પટેલે કહ્યું કે, કોતવાલી ઈગલાસ વિસ્તારના ગામ બ્યોહીનો એક વીડિયો સામે આવ્યો છે. જે પોલીસને ધ્યાનમાં આવ્યો છે. ગામમાં એક સગાઈ કાર્યક્રમ ચાલી રહ્યો હતો, જે દરમિયાન ગામના બે પક્ષ વચ્ચે ડંડા લઈને મારપીટ શરૂ થઈ હતી. પોલીસે સોશિયલ મીડિયા પર વાયરલ થઈ રહેલા આ વીડિયો પર એક્શન લેવાનું નક્કી કર્યું છે અને આગળની કાર્યવાહી હાથ ધરી છે.