ઓસ્ટ્રેલિયાના સિડનીના રોડ પર જોવા મળતા એક વિચિત્ર પ્રાણીએ જીવવિજ્ઞાનીઓ, શિક્ષણવિદો અને સોશિયલ મીડિયા યુઝર્સને આશ્ચર્યચકિત કરી દીધા છે.
ઓસ્ટ્રેલિયાના સિડનીના રસ્તા પર મળી આવ્યું વિચિત્ર જીવ
સોશિયલ મીડિયામાં વીડિયો અને તસવીરો થયાં વાયરલ
લોકોને એલિયન અથવા ભ્રૂણ હોવાની આશંકા
કારણ કે આ જીવ એલિયન (Alien) જેવું દેખાઈ રહ્યું છે. LedBible ના અહેવાલ મુજબ, સોમવારે સવારે એક વ્યક્તિ જોગિંગ કરી રહ્યો હતો, તે દરમિયાન અચાનક તેની નજર એક જીવ પર પડી, જેને જોઈને તે આશ્ચર્યચકિત થઈ ગયો.
હકીકતમાં, સિડનીમાં તાજેતરના દિવસોમાં ભારે વરસાદ પડ્યો છે, પરંતુ આ વિચિત્ર જીવ પૂરના ક્ષેત્રમાં જોવા મળ્યું નથી. તેના બદલે શહેરની મધ્યમાં જોવા મળ્યું છે. આ વ્યક્તિનું કહેવું છે કે તે ભ્રૂણ હોઈ શકે છે પરંતુ તે એલિયન હોવાનું નકારી શકાય તેમ નથી.
સ્થાનિકોએ એલિયન અથવા કોઈ ભ્રૂણ હોવાનું લગાવ્યું અનુમાન
હેરી હાયસે આ આશ્ચર્યજનક જીવનો વીડિયો ઈન્સ્ટાગ્રામ પર શેર કર્યો છે. ત્યારબાદ આ વીડિયો ટ્વિટર સહિત અન્ય સોશિયલ સાઈટ પર પણ શેર કરવામાં આવ્યો હતો. આ વીડિયોમાં લાકડા વડે આ જીવને ઢંઢોળવાનો પ્રયાસ કરવામાં આવ્યો હતો, પરંતુ તેમાં કોઈ હિલચાલ જોવા મળી ન હતી.
આ વિચિત્ર દેખાતા જીવને સોશિયલ મીડિયા પર ઘણા લોકો 'એલિયન' કહેતા હતા. લોકપ્રિય ઓસ્ટ્રેલિયન વ્યક્તિત્વ લિલ અહેનકને આ પ્રાણીની તસવીર ઈન્સ્ટાગ્રામ પર શેર કરી અને ત્યારપછી આ તસવીર વાયરલ થવા લાગી. એક યુઝરે અનુમાન લગાવ્યું કે તે માછલી અથવા કોઈ અન્ય જીવનો ગર્ભ હોઈ શકે છે.
સોશિયલ મીડિયામાં વાયરલ થઈ તસવીરો
જીવવિજ્ઞાનીઓ આ વિચિત્ર પ્રાણીને જોઈને આશ્ચર્યચકિત થઈ ગયા. જીવવિજ્ઞાની એલી એલિસાએ પ્રાણીને ઓળખવામાં મદદ માંગતી તસવીર ઇન્સ્ટાગ્રામ પર ફરીથી પોસ્ટ કરી. તેણે લખ્યું, “આ શું છે? મેં વિચાર્યું કે તે કોઈ જીવંત પ્રાણીનો ગર્ભ હોઈ શકે છે પરંતુ મારી પાસે તેનો કોઈ આધાર નથી.