દાવો / ભારે કરી! જ્યાં વૈજ્ઞાનિકો જીવન શક્ય હોવાનો દાવો કરી રહ્યા છે ત્યાં જોવા મળ્યું 1 ફુટનો એલિયન, જુઓ VIDEO

• મંગળ ગ્રહ પર એલિયન્સ હોવાનો દાવો
• ક્યુરિયોસિટી રોવરે મોકલેલી તસવીરનું વિશ્લેષણ
• મંગળ પર 100ટકા જીવનનો દાવો- UFO નિષ્ણાંત

વૈજ્ઞાનિકો મંગળ ગ્રહ પર જીવન શક્ય છે કે નહી તેની શોધમાં વ્યસ્ત છે. તો આ તરફ નાસાએ રિસર્ચ માટે ક્યુરિયોસિટી રોવરને મંગળ ગ્રહ પર ઉતાર્યુ છે.  સતત મંગળ ગ્રહના ફોટો મોકલી રહ્યું છે.  તેવામાં એક યુએફઓ એક્સપર્ટે ક્યુરિયોસિટી રોવર દ્વારા મોકલાયેલી તસવીરો જોઇને એક મોટો દાવો કર્યો છે. તેણે કહ્યું કે ફોટોમાં એલિયન દેખાય છે. 

મંગળ પર રહેતા લોકો વધુ બુદ્ધિશાળી-યુએફઓ નિષ્ણાંત

વાસ્તવમાં નાસાના રોવરે મંગળ પરથી કેટલીક તસવીરો મોકલી હતી. યુએફઓ નિષ્ણાંત સ્કોટ સી વોરિંગે દાવો કર્યો હતો કે આ ફોટામાંથી એકમાં એલિયન્સ જોવા મળે છે. તેઓએ મંગળ પર 100% જીવન હોવાનો દાવો કર્યો હતો. વારિંગે કહ્યું, 'લાલ ગ્રહ પર રહેતા લોકો આપણા કરતા વધુ બુદ્ધિશાળી છે. તેઓએ ચિત્રોમાં કેટલીક જગ્યાઓ બતાવી હતી અને દાવો કર્યો કે તેમાં એલિયન દેખાઈ રહ્યો છે.

એલિયન 1 ફૂટ લાંબો ગુલાબી રંગનો- યુએફઓ નિષ્ણાંત

વારિંગે કહ્યું કે તેને નાસાના ફોટાઓનું વિશ્લેષણ કરવામાં આનંદ આવે છે. આ વખતે મંગળની તસવીરમાં એક અનોખી વસ્તુ જોવા મળી. મંગળ પરબુદ્ધિશાળી જીવનનો 100% પુરાવો છે. ફોટોમાં એક એલિયન પડેલો જોવા મળે છે. જે નાસાના માર્સ રોવરને જોઈ રહ્યો છે. તેણે કહ્યું કે એલિયન 1 ફૂટ લાંબો છે અને ગુલાબી રંગનો છે.

'એલિયન્સ પાસે જાદુઇ ટેકનિક હશે'

સ્કોટ સી વોરિંગે જણાવ્યુ કે આ ફોટો ગત એપ્રિલમાં જાહેર કરવામાં આવ્યો હતો. પરંતુ વિશ્લેષણ હજી 3 ફેબ્રુઆરી, 2022 પૂર્ણ કર્યુ છે. આ પહેલા બ્રિટિશ ગર્વમેન્ટે યુએફઓ પર સંશોધન કરનારા નિક પોપે એલિયન્સ વિશે ખુલાસો કર્યો હતો. તેમણે કહ્યુ હતું કે જો મનુષ્ય અલૌકિક જીવનના સંપર્કમાં આવે છે તો ત્યારે તેઓ આપણા જ લાખો વર્ષ આગળ હશે. જો માણસો અને એલિયન્સ વચ્ચે લડાઇ થઇ તો આપણે તેઓની ટેકનિક પર કામ કરવુ પડશે. જે એલિયન્સ પાસે પહેલેથી જ છે. તેઓની ટેકનિક જાદુથી ઓછી નહી હોય.