સૂત્રો દ્વારા મળતી માહિતી મુજબ બોલીવુડ અભિનેત્રી અને ફિલ્મ સર્જક પૂજા ભટ્ટે તાજેતરમાં પોતાની વિશેષ ફિલ્મ્સની ઓફિસે 'સડક ટુ'ની સ્ક્રીપ્ટ વિશે ચર્ચા કરવા એક બેઠક રાખી હતી.
1980ના દાયકામાં બનેલી હિટ ફિલ્મ 'સડક'નું ડિરેકશન સિનિયર ફિલ્મ સર્જક મહેશ ભટ્ટે કર્યુ હતું. જેમાં પૂજા ભટ્ટ અને સંજય દત્ત ચમક્યા હતાં. તાજેતરમાં પૂજાને એની સિક્વલ બનાવવાની ઇચ્છા જાગી એેટલે તેણે પોતાના પિતા સાથે વાત કરી હતી.
એની સિક્વલમાં પૂજા પોતાની ઓરમાન બહેન આલિયા ભટ્ટને મુખ્ય રોલમાં ચમકાવશે. રોલ વિશે સંજય દત્તે હજુ સ્પષ્ટતા કરી નથી કે તે પોતાની ઓરિજિનલ ભૂમિકા ભજવશે કે ચરિત્ર ભૂમકા કરશે.
પૂજા ભટ્ટ વિદેશની ટૂંકી મુલાકાત પતાવીને પરત ફરી ત્યારે આલિયા હાથમાં ઝોળી સાથે આરામ ફરમાવતી હતી. બલ્ગેરિયામાં ફિલ્મ 'બ્રહ્મસાસ્ત્ર'ના શૂટિંગ દરમિયાન તેને ઘેાડેસવારી કરતાં ઇજા થઇ હતી. એટલે તાજેતરમાં તે ફ્રી છે.
મળતી માહિતી મુજબ આનો લાભ લઇ પૂજાએ પોતાની ઓફિસમાં એક બેઠક યોજી હતી જેમાં સંજય દત્ત આલિયા મહેશ ભટ્ટ જેવા મહાનુભાવોએ હાજરી આપી હતી જ્યાં ફિલ્મ 'સડક ટુ'ના પ્લાનિંગની ચર્ચા થઇ હતી.