રણબીર કપૂર અને આલિયા ભટ્ટના લગ્નની શરૂઆત પૂજા સાથે થઈ ગઈ છે. નીતુ કપૂર દીકરી રિદ્ધિમા કપૂર સાથે વેન્યુ પર પહોંચી છે.
રણબીર કપૂર અને આલિયા ભટ્ટના લગ્નની વિધિ શરૂ
પૂજાની સાથે થઈ શરૂઆત
માતા નીતૂ અને રિદ્ધિમા પહોંચ્યા વેન્યુ પર
બોલિવૂડ એક્ટર રણબીર કપૂર અને આલિયા ભટ્ટના લગ્નની બધા લોકો આતુરતાથી રાહ જોઈ રહ્યા હતા. લગ્નની વિધિઓ શરૂ થઈ ગઈ છે. આવી સ્થિતિમાં સૌથી પહેલા પૂજાની શરૂઆત કરવામાં આવી છે. અભિનેત્રી નીતુ કપૂર તેની પુત્રી રિદ્ધિમા કપૂર અને પૌત્રી સાથે લગ્નની વિધિઓ પહેલા યોજવામાં આવેલી પૂજામાં હાજરી આપવા પહોંચ્યા હતા. આ દરમિયાન પાપારાઝીએ તેમને સ્પોર્ટ કર્યા છે અને તેની તસવીરો અને વીડિયો સામે આવ્યા છે.
ટાઈટ સિક્યોરિટી સાથે વિધિઓ શરૂ થઈ
રણબીર કપૂર અને આલિયા ભટ્ટના ગ્રાન્ડ લગ્ન થવા જઈ રહ્યા છે. આવી સ્થિતિમાં આ ઈવેન્ટ માટે ખૂબ જ મોટા સ્તરે સુરક્ષા વ્યવસ્થા કરવામાં આવી છે. ગેસ્ટ તેમજ સિક્યુરિટી ગાર્ડ માટે અલગ-અલગ બેન્ડ્સની તૈયારી કરવામાં આવ્યી છે. જો કે આ લગ્નની તસવીરો અને વીડિયોની દરેક લોકો આતુરતાથી રાહ જોઈ રહ્યા છે.
પ્રાઈવસીને કરવી પડશે મેઈન્ટેઈન
રણબીર કપૂર આલિયા ભટ્ટના લગ્નની પ્રાઈવસી જાળવવાના તમામ પ્રયાસો કરવામાં આવી રહ્યા છે. લગ્નના વેન્યુથી લઈને વિધિની તારીખ સુધી તમામ બાબતો ગુપ્ત રાખવામાં આવી રહી છે. દરેક મહેમાનોએ પણ આ પ્રાઈવસી જાળવવી પડશે.