આલિયા ભટ્ટ અને કેટરીના કેફ બોલીવુડમાં સારા મિત્રો છે પરંતુ જેવી રીતે આલિયા અને રણબીર કપૂરના પ્રેમની ચર્ચા શરૂ થઇ તો જાણવા મળ્યું હતું કે આ સંબંધથી આલિયાની બેસ્ટ ફ્રેન્ડ અને રણબીરની એક્સ ગર્લફ્રેન્ડ ખુશ નથી. જો કે બંનેમાંથી કોઇએ ખુલીને આ માટે વાત કરી નથી.
કેટરીના કેફની આજે બર્થડે છે. કેટરીના 35 વર્ષની થઇ ગઇ છે. આ ખાસ તકે કેટરીનાની મિત્ર આવ્યા ભટ્ટે એને જન્મદિવસની શુભેચ્છા પાઠવી છે. આલિયાએ કેટરીનાની સાથે પોતાનો એર ફોટો ઇન્સ્ટાગ્રામ પર શેર કર્યો છે. આ ફોટામાં બંને મસ્તી ભરેલા અંદાજમાં જોવા મળી રહ્યા છે. આ ફોટાને શેર કરતાં આલિયાએ લખ્યું છે 'હેપિએસ્ટ બર્થડે કેટરીના...'
આ ફોટાને જોયા બાદ એવું લાગે છે કે કેટરીના અને આલિયાની વચ્ચે કોઇ પણ પ્રકારનું મનદુખ નથી. પરંતુ થોડાક દિવસ અગાઉ કેટરીનાના એક નજીકના મિત્રને આલિયા અને રણબીરની રિલેશનશીપને લઇને ચોંકવનારી વાત કહી હતી. એમને કહ્યું હતું કે 'કેટરીના જાણે છે કે આલિયા અને રણબીરના રિલેશનશિપ કેવી રીતે ખતમ થશે. આ પહેલા બધુ જોઇ ચુકી છે.'
આલિયા અને કેટરીનાએ હજુ સુધી કોઇ ફિલ્મ સાથે કરી નથી પરંતુ તેમ છતાં બંનેની મિત્રતા ખૂબ ખાસ છે. જાણવા મળી રહ્યું છે કે આલિયા અને કેટરીનાની મુલાકાત જીમમાં થઇ હતી. ત્યારબાદ એકબીજાની ઓળખાણ થઇ અને પછી ગાઢ મિત્રતામાં ફેરવાઇ બંને મોટાભાગે એકબીજાની સાથે ફોટો શેર કરતા હતા.