આલિયા ભટ્ટનો ફિલ્મમેકર સંજય લીલા ભણસાલીની અપકમિંગ ફિલ્મ 'ગંગુબાઈ કાઠિયાવાડી'નો ફર્સ્ટ લુક રિલીઝ થઈ ગયો છે. આલિયા ભટ્ટે તેના સોશિયલ મીડિયા એકાઉન્ટ પર ફર્સ્ટ લુક શેર કર્યો છે અને લખ્યું છે, Here she is, Gangubai Kathiawadi🌹#SanjayLeelaBhansali @prerna_singh6 @jayantilalgadaofficial @bhansaliproductions @penmovies.
આલિયાએ બે તસવીરો શેર કરી છે. એક તસવીરમાં તેણે સાડી પહેરી છે, ચાંદલો લગાવ્યો છે અને નોસપિન પહેરી છે. આ તસવીરમાં આલિયા ઘણી જ ઈન્ટેંસ દેખાઈ રહી છે. જ્યારે બીજા લુક માટે આલિયાએ De-glam અવતાર ધારણ કર્યો છે. બે ચોટલી, હાથમાં બંગડી અને આંખમાં કાજલ સાથે આલિયા ખૂબ જ સુંદર લાગી રહી છે. પોસ્ટરમાં આલિયા ભટ્ટ માટે માફિયા ક્વીન લખ્યું છે. ફિલ્મમાં આલિયા ભટ્ટ ગુજરાતી માફિયા ડોનના લીડ રોલમાં છે. સોશિયલ મીડિયા પર આલિયા ભટ્ટના બંને લુકને ઘણો જ પસંદ કરવામાં આવી રહ્યો છે.
મળતી માહિતી પ્રમાણે આ ફિલ્મમાં અજય દેવગણ સ્પેશિયલ અપિયરન્સમાં હશે. અજયનો રોલ ઘણો જ રસપ્રદ હશે. આ અંગે થોડાં જ સમયમાં ઓફિશિયલ એનાઉન્સમેન્ટ કરાશે. જોકે, ફિલ્મની સ્ક્રિપ્ટ વિશે ખાસ કોઈ જાણકારી મળી નથી.
ફિલ્મની રિલીઝ ડેટ શેર કરતાં આલિયાએ ટ્વિટર પર લખ્યું, એક નામ જે તમે સાંભળ્યું હશે પણ તેની કહાની નહીં સાંભળી હોય. આ બહુ જ ખાસ છે. સંજય લીલા ભણસાલીના ડિરેક્શનમાં આ ફિલ્મ 11 સપ્ટેમ્બર 2020એ રિલીઝ થશે. આલિયા સિવાય ફિલ્મની સ્ટારકાસ્ટને લઈને હાલ કોઈ જાણકારી સામે આવી નથી, પણ મીડિયા રિપોર્ટ્સ કોમેડી રોલ માટે વિજય રાઝ ફિલ્મમાં મહત્ત્વના રોલમાં હશે.