ખૂબ જ નાની ઉંમરમાં બોલિવૂડમાં પોતાની એક્ટિંગ અને કામથી પ્રસિદ્ધિ મેળવનાર એક્ટ્રેસ આલિયા ભટ્ટે માત્ર આઠ જ વર્ષની ઉંમરમાં નક્કી કરી લીધું હતું કે, તે એક્ટ્રેસ બનશે. ટીવી જગતના પ્રખ્યાત શો 'જીના ઈસી કા નામ હૈ'ની એક વીડિયો ક્લિપ સોશિયલ મીડિયા પર ખૂબ જ વાયરલ થઈ રહી છે. શોમાં મહેશ ભટ્ટનો આખો પરિવાર જોવા મળી રહ્યો છે. શોના હોસ્ટ સુરેશ ઓબેરોય ભટ્ટ પરિવારનો ઈન્ટરવ્યૂ લઈ રહ્યાં છે.
આલિયા ભટ્ટનો નાનપણનો એક વીડિયો વાયરલ
પરિવાર સાથે જોવા મળી રહી છે એક્ટ્રેસ
નાની ઉંમરમાં જ આલિયાએ નક્કી કરી લીધું હતું કે તેને એક્ટ્રેસ બનવું છે
શોમાં મહેશ ભટ્ટ તેમની પત્ની સોની રઝદાન અને દીકરી પૂજા ભટ્ટ હાજર હતી અને પછી બંને દીકરીઓ શાહીન અને આલિયાને પણ બોલાવી. આલિયા ખૂબ જ ક્યૂટ દેખાઈ રહી છે. વીડિયોમાં આલિયાને જોઈને તમે ઓળખી પણ નહીં શકો કે આ આલિયા છે. આ વીડિયોમાં આલિયા અને તેના પરિવારની તસવીરો પણ બતાવવામાં આવી છે.
તમને જણાવી દઈએ કે, વીડિયોમાં જ્યારે આલિયા ભટ્ટને તે મોટી થઈને શું બનવા માંગે છે એવું પૂછવામાં આવ્યું તો તેણે તરત જ કહ્યું, હું એક્ટ્રેસ બનીશ. જ્યારે શાહીનએ કહ્યું કે, તે રાઈટર બનવા માંગે છએ. આલિયાનો આ વીડિયો ફેન્સને ખૂબ જ પસંદ આવી રહ્યો છે.
વીડિયોમાં આગળ મહેશ ભટ્ટ જણાવે છે કે, તેઓ ખૂબ દારૂ પીતા હતા. પરંતુ તેમણે દારૂ પીવાનું છોડી દીધું. જેની પાછળનો કિસ્સો શેર કરતા મહેશ ભટ્ટે કહ્યું-હું પહેલાં બહુ જ દારૂ પીતો હતો. ત્યારે મેં એકવાર શાહીનને ખોળામાં ઉંચકી તો મારા મોંમાંથી દારૂની સ્મેલ આવી રહી હતી, જેના કારણે શાહીનએ મોઢું ફેરવી લીધું. આ રિજેક્શન મારાથી સહન ન થયું અને મેં શાહીનને કારણે એ જ સમયથી દારૂ પીવાનું છોડી દીધું.
આ આલિયાની વધુ એક તસવીર હાલમાં જ ખૂબ જ વાયરલ થઈ હતી. જેમાં તે તેની મોમ સોની રઝદાન સાથે જોવા મળી રહી છે. આ ફોટો ઘણો જૂનો છે. જેમાં આલિયા જાડી દેખાઈ રહી છે. આ તસવીરમાં પણ આલિયા એવી દેખાઈ રહી છે કે ફેન્સ તેને ઓળખી પણ ન શકે, જ્યારે આલિયાના વર્કફ્રંટની વાત કરીએ તો આલિયા ઘણી મોટી ફિલ્મોમાં જોવા મળશે. તે રણબીર કપૂર સાથી ફિલ્મ બ્રહ્માસ્ત્રમાં કામ કરી રહી છે. જ્યારે સંજય લીલા ભંસાલી સાથે ગંગૂબાઈ કાઠિયાવાડીમાં પણ જોવા મળશે.