બોલિવૂડ એક્ટર રણબીર કપૂરે સોમવારે તેનો 38મો જન્મદિવસ ઉજવ્યો હતો. આ ખાસ અવસર પર પરિવાર, નજીકના મિત્રો અને ફિલ્મ ઇન્ડસ્ટ્રીના ઘણાં સેલેબ્સે તેને જન્મદિવસની શુભેચ્છાઓ આપી હતી. આ સાથે જ ગર્લફ્રેન્ડ આલિયા ભટ્ટે સોશિયલ મીડિયા પર એક સ્પેશિયલ પોસ્ટ શેર કરીને ખાસ અંદાજમાં રણબીરને વિશ કર્યું હતું.
રણબીરે ફેમિલી અને ફ્રેન્ડ્સ સાથે સેલિબ્રેટ કર્યો બર્થડે
ગર્લફ્રેન્ડ આલિયાએ ખાસ અંદાજમાં કર્યું વિશ
આલિયાએ ફોટો શેર કરીને કહી આ વાત
આલિયાએ રણબીરના બર્થડે સેલિબ્રેશનની એક તસવીર શેર કરી છે. જેમાં તે હસતો દેખાઈ રહ્યો છે. તેની સામે કેક છે. આલિયાએ આ તસવીર શેર કરતા કેપ્શનમાં લખ્યું-હેપ્પી બર્થડે 8. આ સાથે જ તેણે હાર્ટ ઈમોજી પણ શેર કર્યું. આ તસવીરને 19 લાખથી વધુ લાઈક્સ મળી ચૂકી છે. આલિયાની આ પોસ્ટ પર ફેન્સ ખૂબ પ્રતિક્રિયાઓ આપી રહ્યાં છે.
રણબીર કપૂરે તેના જન્મદિવસ પર બહેન રિદ્ધિમા અને માતા નીતૂ કપૂર સાથે સમય પસાર કર્યો હતો. તેણે પરિવાર સાથે લંચ પણ કર્યું હતું. જેની એક તસવીર રિદ્ધિમાએ ઈન્સ્ટાગ્રામ પર શેર કરી હતી. તેણે કેપ્શનમાં લખ્યું કે, 'બર્થડે લંચ, હેપી બર્થડે રન્સ.' આની સાથે રિદ્ધિમાએ આખા પરિવારની તસવીરનો એક કોલાજ પણ શેર કર્યો.
ઉલ્લેખનીય છે કે, હાલમાં જ રિદ્ધિમાના બર્થડે સેલિબ્રેશનનો એક વીડિયો સોશિયલ મીડિયા પર ખૂબ જ વાયરલ થયો હતો. જેમાં રણબીર અને આલિયાએ આપ જૈસા કોઈ મેરી જિન્દગી મૈં આયે સોન્ગ પણ ડાન્સ કર્યો હતો. જે ફેન્સને ખૂબ જ પસંદ આવ્યો હતો. બહેનના બર્થડેને ખાસ બનાવવા માટે રણબીર અને આલિયાએ આ ખાસ પર્ફોમન્સ આપ્યું હતું.