આલિયા ભટ્ટની ફિલ્મ ગંગૂબાઈ કાઠિયાવાડી રિલીઝ માટે તૈયાર છે. ફિલ્મ 25 ફેબ્રુઆરીથી થિયેટરોમાં જોવા મળશે. દર્શકો ફિલ્મની આતુરતાપૂર્વક રાહ જોઈ રહ્યાં છે. આલિયા ભટ્ટ પણ ફિલ્મનું તાબડતોબ પ્રમોશન કરી રહી છે.
આલિયા ભટ્ટની ફિલ્મ ગંગૂબાઈ કાઠિયાવાડી રિલીઝ માટે તૈયાર
લે હવે આ નાની બાળાઓ ઈન્ટરનેટ પર ગંગૂબાઈ બનીને મચાવે છે ધમાલ
આલિયા ભટ્ટની જગ્યાએ બીજુ કોઈ ઈન્ટરનેટ પર ગંગૂબાઈ બનીને ધમાલ મચાવી રહ્યું છે. આ ગંગૂબાઈનો દેખાવ અને વીડિયો બંને સોશિયલ મીડિયામાં વાયરલ થઇ રહ્યો છે. આલિયા ભટ્ટના ગંગૂબાઈ અવતારમાં અમુક બાળકીઓના વીડિયો વાયરલ થઇ રહ્યાં છે. આ વીડિયોને જોઈને આલિયા ભટ્ટ પણ આશ્ચર્યચકિત થઇ જશે. ખૂબ જ નાની ઉંમરની બાળકીઓ ભાવનાત્મક અંદાજમા ફિલ્મના સીનને કોપી કરી રહી છે. જેના ગમે તેટલા વખાણ કરવામાં આવે તેટલા ઓછા છે. હારિતી નામની એક બાળકીએ ઈન્સ્ટાગ્રામ પર આલિયા ભટ્ટના સીનને કોપી કર્યો છે. તો કિયારા ખન્ના નામની એક બાળકીનો વીડિયો પણ વાયરલ થઇ રહ્યો છે. કિયારાએ આલિયાના અંદાજને કેમેરા પર કોપી કર્યો છે. ફિલ્મ હવે રિલીઝ માટે તૈયાર છે. પરંતુ કોરોનાના કારણે ફિલ્મને મોકૂફ કરવામાં આવી હતી. ગંગૂબાઈ કાઠિયાવાડી સંજય લીલા ભણસાલીની સાથે આલિયા ભટ્ટની પહેલી ફિલ્મ છે. ફિલ્મમાં અજય દેવગણ પણ અંડરવર્લ્ડ ડૉનની ભૂમિકા નિભાવી રહ્યો છે.
અજય દેવગણ ફિલ્મમાં કરીમ લાલાના પાત્રમાં જોવા મળશે. જે ગંગુબાઈને પોતાની બહેન માને છે અને પછી તેને વેપારના ગુણ શિખવાડે છે. ક્રાઈમ ડ્રામામાં ગંગૂબાઈને એક સેક્સવર્કર તરીકે બતાવવામાં આવી છે. જે બાદમાં મુંબઈમાં એક અંડર વર્લ્ડ ડોન તરીકે બહાર આવે છે. ફિલ્મ પર સીબીએફસીની કાતર પણ ફરી છે. ગંગુબાઈ કાઠિયાવાડીમાં 4 મૉડિફિકેશન કરવામાં આવ્યાં છે, જેમાં 2 સીન ડિલીટ પણ કરવામાં આવ્યાં છે.