મનોરંજન / અમદાવાદ પહોંચ્યા રણબીર-આલિયા, બ્રહ્માસ્ત્રની સફળતા વિશે કહ્યું- ...તો બોક્સ ઓફિસ પર આગ ન લગાવી હૉત

• અમારી ફિલ્મ લાઇનમાં 2  જ ઓપ્શન છે: આલિયા ભટ્ટ 
• અભિપ્રાય અને પ્રતિભાવ આપવો એ દર્શકોનો અધિકાર છે
• બ્રહ્માસ્ત્રની  વર્લ્ડ વાઈડ કુલ કમાણી 300 કરોડ

દેશમાં વિવાદો વચ્ચે 9 સપ્ટેમ્બરના રોજ રિલીઝ થયેલી ફિલ્મ બ્રહ્માસ્ત્ર બોક્સ ઓફિસ પર ધુમ મચાવી રહી છે ત્યારે ફિલ્મના ડાયરેક્ટર અયાન મુખર્જી, એક્ટર રણવીર કપૂર અને એક્ટ્રેસ આલિયા ભટ્ટ ગઈકાલે ફિલ્મ પ્રમોશન માટે અમદાવાદના PVR એક્રોપોલીસ ખાતે પહોંચ્યા હતા.

અમારી ફિલ્મ લાઇનમાં 2  જ ઓપ્શન છે: આલિયા ભટ્ટ 
જ્યાં તેમણે ફિલ્મ નિહાળી પ્રેસ કોન્ફરન્સ દરમિયાન ફિલ્મના વિવાદથી લઇને VFX સહિતના તમામ સવાલોના જવાબો આપ્યા હતા. ત્યારે ડાયરેક્ટર અયાન અને એક્ટ્રેસ આલિયા ભટ્ટે  બાયકોટ ટ્રેન્ડના સવાલ પર જવાબ આપતા જણાવ્યુ હતુ કે અમારી ફિલ્મ લાઇનમાં 2  જ ઓપ્શન છે કે તમે પોઝિટિવ પર ફોકસ કરો કે નેગેટિવ પર ફોકસ કરો અને અમારુ ધ્યાન માત્ર ફિલ્મ પર જ છે. ફિલ્મના કલેક્શન પરથી જ ખ્યાલ આવે કે ફિલ્મે આગ લગાવી દિધી છે.

અભિપ્રાય અને પ્રતિભાવ આપવો એ દર્શકોનો અધિકાર છે
આલિયાએ આગળ કહ્યું હતું કે, 'જ્યારે પણ કોઈ નેગેટિવ પ્રશ્ન પૂછવામાં આવે છે, ત્યારે અમે તેના પર ધ્યાન ન આપવાનો પ્રયાસ કરી છીએ. ટીકા કરવી, સમીક્ષા કરવી, અભિપ્રાય આપવો અને પ્રતિભાવ આપવો એ અમારા દર્શકોનો અધિકાર છે. આપણે માત્ર નકારાત્મક બાબતો કરતાં વધુ સકારાત્મક બાબતો જોવાનો પ્રયાસ કરીએ છીએ. ફિલ્મ રીલિઝ થયા પછી એવું લાગે છે કે બધું જ પોઝિટિવ થઈ રહ્યું છે નહીં તો ફિલ્મ એ આટલી કમાણી ન કરી હોત.

ગંગુબાઈની સ્ટાઈલમાં 'બ્રહ્માસ્ત્ર'નું પ્રમોશન
આ સાથે જ આલિયા ભટ્ટે ગંગુબાઈની સ્ટાઈલમાં 'બ્રહ્માસ્ત્ર'નું પ્રમોશન કર્યું હતું. ગંગુબાઈ સ્ટાઈલમાં આલિયાએ કહ્યું હતું કે, 'બ્રહ્માસ્ત્ર ચાંદ હૈ ઔર ચાંદ હી રહેગા'. આલિયાની આ સ્ટાઈલ જોઈને ફેન્સ પણ ઘણા ખુશ થઈ ગયા હતા અને આ વીડિયો હાલ સોશિયલ મીડિયા પર છવાયેલો છે. 

કુલ કમાણી 
ફિલ્મના કલેક્શનની વાત કરીએ તો, ફિલ્મને રિલીઝ થયાને સાત દિવસ થઈ ગયા છે અને ફિલ્મની ઇન્ડિયન બોક્સ ઓફિસ પર કુલ કમાણી 173.20 કરોડ રૂપિયાની થઈ છે અને વર્લ્ડ વાઈડ કુલ કમાણી 300 કરોડની થઈ છે. જણાવી દઈએ કે આ ફિલ્મ 410 કરોડના ખર્ચે બની છે.