બોલિવુડ એક્ટ્રેસ આલિયા ભટ્ટ પોતાની ફિલ્મોની એક્ટિંગથી લોકોના દિલમાં રાજ કરી રહી છે. તાજેતરમાં જ આલિયાએ પોતાની યૂ-ટ્યૂબ ચેનલ શરૂ કરી છે.
જી હા, આ વિશે આલિયાએ જાણકારી આપતા કહ્યુ કે, ''હું હવે પોતાની યૂ-ટ્યૂબ ચેનલ લોન્ચ કરી રહી છું. હું ઇન્સ્ટાગ્રામ અને ટ્વીટરની દુનિયાથી દૂર, યૂ-ટ્યૂબની દુનિયામાં આવી રહી છું.''
આલિયાએ પોતાની ચેનલ લોન્ચ કરતાની સાથે જ તેમાં 13 કરોડથી વધુ કિંમતના મુંબઇના એપાર્ટમેન્ટનો વીડિયો શૅર કર્યો છે. આ વીડિયોમાં આલિયાએ જૂહુના પોશ વિસ્તારમાં સ્થિત પોતાના નવા ફ્લેટ વિશે જાણકારી આપી રહી છે. આલિયાએ શુક્રવારે પોતાના મૂવિંગ ડે બ્લોગ અપલોડ કરતા કેપ્શન લખ્યુ કે, ''અરે દોસ્તો આ વીડિયોમાં મને પોતાના ઘરમાં જુઓ, અહીંયા શિફ્ટ થવાની સમગ્ર પ્રક્રિયાનો અનુભવ શાનદાર રહ્યો.''
આલિયા આ વીડિયોમાં જણાવે છે કે, પોતાના ઘરથી બહાર જવું મારા માટે ખાસ અનુભવ રહ્યો, કારણ કે આ પહેલીવાર હતુ જ્યારે હું પોતાના ઘરથી દૂર જઇ રહી હતી. શરૂઆતમાં હું એકલા જ રહેવાનું વિચારી રહી હતી, પછી મેં બહેનને સાથે લઇ જવાનો નિર્ણય કર્યો અને તે ખુશી-ખુશી રાજી થઇ ગઇ. તેણે પાર્ટ ટાઈમ મારી સાથે અને પાર્ટ ટાઈમ મમ્મી સાથે રહેવાનો નિર્ણય કર્યો.
જણાવી દઇએ કે, આલિયાએ આ ફ્લેટને 2017માં ખરીદ્યો હતો અને પોતાની બહેન શાહીન ભટ્ટ સાથે રહેતી હતી.
આલિયા ભટ્ટ હાલમાં પોતાની આગામી ફિલ્મ ‘બ્રહ્માસ્ત્ર’ના શૂટિંગમાં બિઝી છે. તેમાં આલિયા સાથે રણબીર કપૂર, અમિતાભ બચ્ચન અને મૌની રોય જોવા મળશે. આ ફિલ્મ આગામી વર્ષે રિલીઝ થશે.