ડિલીવરીના એક મહિના પછી આલિયા પોતાની ડેલી રૂટીનમાં પાછી આવી ગઇ છે. બુધવારે સવારે અભિનેત્રી સેલિબ્રિટી ટ્રેનર અનુષ્કાના ઘરની બહાર જોવા મળી. જ્યા તે યોગા ક્લાસ માટે પહોંચી હતી.
ડિલીવરીના એક મહિના પછી આલિયા ડેલી રૂટીનમાં પાછી આવી
અભિનેત્રી સેલિબ્રિટી ટ્રેનર અનુષ્કાના ઘરની બહાર જોવા મળી
યુઝર્સના મનમાં થયા સવાલ, આટલી જલ્દી કેવીરીતે ફિટ થયા?
સોશિયલ મીડિયામાં આલિયાનો વીડિયો વાયરલ
બોલીવુડ અભિનેત્રી આલિયા ભટ્ટે એક મહિના પહેલા પુત્રી રાહા કપૂરને જન્મ આપ્યો હતો. હવે ડિલીવરીના એક મહિના પછી આલિયા પોતાના ડેલી રૂટીનમાં પાછી આવી ગઇ છે. સોશિયલ મીડિયામાં આલિયાનો વીડિયો ખૂબ વાયરલ થઇ રહ્યો છે. દરેક માણસ તેના ફિટનેસના વખાણ કરી રહ્યાં છે. આલિયાને જોઇને દરેક વ્યક્તિને સવાલ થાય છે કે આખરે આટલી જલ્દી આલિયાએ કેવીરીતે પોતાને રિકવર કરી?
માં બન્યા બાદ એક મહિના પછી ફીટ દેખાઈ આલિયા
યોગા ક્લાસની બહાર આલિયા કાળા રંગની લેગિંસ અને ટી-શર્ટની સાથે હુડી પહેરીને જોવા મળી. માથામાં પાછળ બન લગાવ્યું હતુ અને મેકઅપ વગર દેખાઈ. આલિયાને આટલી ફિટ જોઈને સોશિયલ મીડિયામાં યુઝર અલગ-અલગ કોમેન્ટ કરી રહ્યાં છે. એક યુઝરે લખ્યું, વેટ? મને લાગી રહ્યું છે કે આ એક જૂનો વીડિયો છે. તેઓ ટૂંક સમયમાં શેપમાં પાછી આવી ગઇ છે?
મહત્વનું છે કે આલિયા હંમેશા પોતાની ફિટનેસને લઇને જાગૃત રહી છે. આલિયાએ તેની પ્રેગ્નેન્સી દરમ્યાન પણ યોગ અને કસરતનો પૂરો ખ્યાલ રાખ્યો હતો. માં બન્યા બાદ આલિયા ભટ્ટ બીજી વખત મીડિયાના કેમેરામાં કેદ થઇ છે. આની પહેલા તે બહેન શાહીન ભટ્ટની બર્થ-ડે પાર્ટીમાં સામેલ થઇ હતી. એક યુઝરે લખ્યું, આ લોકોનુ માનવુ પડે... પ્રેગ્નેન્સી બાદ પણ લોકો પહેલા જેવા દેખાય છે.