શું વાત છે! / હવે હોલિવુડમાં જલવો વિખેરવા જઈ રહી છે આલિયા, અપકમિંગ ફિલ્મને લઈને થયું મોટું એલાન

• આલિયા ભટ્ટ હોલીવુડમાં ડેબ્યૂ કરવા માટે તૈયાર 
• 'હાર્ટ ઓફ સ્ટોન'માં જોવા મળશે આલિયા 
• ગંગૂબાઈ કાઠીયાવાડીને દર્શકો તરફથી મળી રહ્યો છે પ્રેમ 

આલિયા ભટ્ટ હોલીવુડમાં ડેબ્યૂ કરવા માટે તૈયાર 

આલિયા ભટ્ટ નેટફ્લીક્સનાં 'હાર્ટ ઓફ સ્ટોન'નાં માધ્યમથી હોલીવુડમાં પોતાની શરૂઆત કરવા માટે તૈયાર છે. જેમાં તે 'વન્ડર વુમન' સ્ટાર ગેલ ગેડોટ સાથે કામ કરતી જોવા મળશે. આ ફિલ્મ સાથે આલિયા ભટ્ટ પોતાનો ગ્લોબલ ડેબ્યૂ કરશે. બોલિવુડમાં પોતાની ધાક જમાવ્યા બાદ આલિયા હોલીવુડમાં પોતાનો જાદૂ વિખેરવા માટે તૈયાર છે. 'હાર્ટ ઓફ સ્ટોન' ની વાત કરીએ તો આ એક સ્પાઈ થ્રિલર ફિલ્મ હશે, જેમાં '50 શેડ્સ ઓફ ગ્રે' સ્ટાર જેમી ડોર્નન પણ છે. 

આલિયા ભટ્ટની હાલની ફિલ્મ ગંગૂબાઈ કાઠીયાવાડી છે, જેનું નિર્દેશન સંજય લીલા ભંસાલીએ કર્યું છે. ગંગૂબાઈ કાઠીયાવાડીને સતત મળી રહેલા દર્શકોના પ્રેમથી આલિયા તથા સંજય લીલા ભંસાલી ખૂબ જ ખુશ છે. ગંગૂબાઈ કાઠિયાવાડીએ મહામારીની શરૂઆત બાદ ત્રીજી સૌથી મોટી ઓપનિંગ હાસિલ કરી છે. દર્શકો તથા ક્રિટીક્સ પણ આ ફિલ્મને ખૂબ જ વખાણી રહ્યા છે. 

મુંબઈની માફિયા ક્વીન પર આધારિત 
ખાસકરીને ગંગૂબાઈ કાઠિયાવાડીનાં દર્શકો આલિયા ભટ્ટની ઈક્તિંગને ખૂબ જ પસંદ કરી રહ્યા છે.
'ગંગૂબાઈ કાઠિયાવાડી' મુંબઈ માફિયાની ક્વીન તરીકે ઓળખાવાવળી ગંગૂબાઈ પર આધારિત છે, જેમને તેમના જ પતિએ કોઠા પર વહેંચી દીધી હતી. આ ફિલ્મમાં અજય દેવગણ, વિજય રાજ, જીમ સાર્ભ, શાંતનુ મહેશ્વરી જેવા સ્ટાર્સ છે. 

ફિલ્મ જોઈ ઈમ્પ્રેસ થઇ ગયા વિક્કી કૌશલ 
વિક્કી કૌશલ જે ફિલ્મની વિશેષ સ્ક્રીનીંગમાં ઉપલબ્ધ હતા તેમને કહ્યું છે કે આ ફિલ્મમાં જોવા મળતી શાનદાર પ્રતિભાથી હું હલી ગયો. સંજય સર તમે માસ્ટર છો તથા @aliaabhatt મને સમજાતું નથી કે હું તમારા વિષે શું કહું..... તમે ગંગૂનાં રૂપમાં આશ્ચર્યજનક રૂપથી અદભૂત! સલામ.