IPLIN
 

બોલિવૂડ / મુંબઈમાં કરોડોના ઘર સહિત આ 4 અલ્ટ્રા લગ્ઝ્યુરિયસ વસ્તુઓની માલિક છે આલિયા ભટ્ટ, જાણીને દંગ રહી જશો

Team VTV 01:41 PM, 08 Jan 21
Follow us
alia Bhatt Is Owner Of These Ultra Luxury Things Besides 32 Crore House In Mumbai

પોતાની જોરદાર એક્ટિંગના દમ પર આલિયા ભટ્ટે બોલિવૂડમાં ટોચનું સ્થાન મેળવી લીધું છે અને પોતાની અલગ જ ઓળખ ઊભી કરી દીધી છે. તેની સાથે જ આલિયા બી-ટાઉનમાં સૌથી વધુ ફી લેનારી અભિનેત્રીઓમાંથી પણ એક છે. આલિયા ભટ્ટે ગયા વર્ષે 2020માં બાન્દ્રામાં એક 32 કરોડનું ઘર ખરીદ્યું છે. પરંતુ શું તમે જાણો છો આ ઘર સિવાય પણ આલિયા પાસે ઘણી અલ્ટ્રા લગ્ઝ્યુરિયસ વસ્તુઓ છે. જી હાં, ચાલો તમને જણાવી દઈએ.

  • પોતાની જોરદાર એક્ટિંગના દમ પર આલિયા ભટ્ટે બોલિવૂડમાં ટોચનું સ્થાન મેળવી લીધું છે
  • આલિયા બી-ટાઉનમાં સૌથી વધુ ફી લેનારી અભિનેત્રીઓમાંથી પણ એક છે
  • આલિયા પાસે ઘણી અલ્ટ્રા લગ્ઝ્યુરિયસ વસ્તુઓ છે

આલિયા ભટ્ટે નવેમ્બર 2020માં મુંબઈમાં બાંદ્રામાં એક નવું ઘર ખરીદ્યું હતું. એક રિપોર્ટ મુજબ તેનું આ ઘર પાલી હિલ કોમ્પ્લેક્સમાં પાંચમા માળે 2460 સ્કવેર ફૂટમાં ફેલાયેલું છે. આ જ કોમ્પ્લેક્સમાં 7મા માળે રણબીર કપૂર પણ રહે છે. એવું કહેવાય છે કે, આલિયાના ઘરનું ઈન્ટિરિયર ડિઝાઈન ગૌરી ખાને કર્યું છે. 

બીએમડબલ્યૂ 7 સીરિઝ

એક વેબસાઈટ અનુસાર, આલિયા પાસે લગ્ઝરી સિડાન બીએમડબલ્યૂ 7 સીરિઝ છે. આ કારની કિંમત લગભગ 1.37 કરોડ રૂપિયા છે. આ સિવાય તેની પાસે ઓડી-એ6 પણ છે. આ તેની પહેલી કાર છે જે તેણે 2015માં ખરીદી હતી. 

વેનિટી વેન

બોલિવૂડ સ્ટાર્સ માટે વેનિટી વેન સેકન્ડ હોમ હોય છે કારણ કે તેઓ પોતાનો મોટાભાગનો સમય શૂટિંગમાં વિતાવે છે અને આ દરમિયાન વેનિટી વેનમાં જ તેઓ મેકઅપથી લઈને મીટ અપ અને આરામ પણ કરે છે. આલિયા પાસે પણ તેની એક લક્ઝ્યુરિયસ વેનિટી વેન છે અને તેને ગૌરી ખાને ડિઝાઈન કરી છે. આલિયા ભટ્ટ તેમાં પોતાની તસવીરો પણ શેર કરતી રહે છે. 

લંડનમાં પણ છે ઘર

આલિયા પાસે મુંબઈ સિવાય લંડનમાં પણ એક ઘર છે. તેણે 2018માં આ ઘર ખરીદ્યું હતું અને તેની બહેન આ જ ઘરમાં રહે છે. જોકે, આલિયા ભટ્ટે આ ઘરની કિંમત વિશે કોઈ ખુલાસો કર્યો નથી. બ્રિટનના એક રિયલ એસ્ટેટ વેબસાઈટ અનુસાર, એક્ટ્રેસના આ ઘરની કિંમત 10.4 કરોડ રૂપિયાથી લઈ 31 કરોડની વચ્ચે છે. 

લેંડ રોવર રેંજ રોવર

આલિયા ભટ્ટ ગાડીઓની શોખીન છે અને તેની પાસે કારનું સારું એવું કલેક્શન છે. એક વેબસાઈટ અનુસાર આલિયા પાસે લેંડ રોવર રેંજ રોવર વોગ છે. જેની કિંમત લગભગ 1.74 કરોડ રૂપિયા છે. 

ઉલ્લેખનીય છે કે, ઘણાં સમયથી આલિયા અને રણબીર કપૂર રિલેશનશીપમાં હોવાની ચર્ચા ચાલી રહી છે. બંને અવારનવાર એકબીજાના પરિવાર સાથે જોવા મળે છે. આલિયા ઘણીવાર કપૂર પરિવાર સાથે પાર્ટી કરતી કે ડિનર કરતી જોવા મળી છે. કપૂર પરિવારના 2020ના ક્રિસમસ પાર્ટીમાં આલિયા પણ પહોંચી હતી. વર્કફ્રંટની વાત કરીએ તો, રણબીર અને આલિયાની ફિલ્મ ‘બ્રહ્માસ્ત્ર’ની ફેન્સ આતુરતાથી રાહ જોઈ રહ્યા છે. આ ફિલ્મમાં બંને પહેલીવાર સાથે જોવા મળશે. આ સિવાય આલિયા સંજય લીલા ભણસાલીની ફિલ્મ ‘ગંગુબાઈ કાઠિયાવાડી’માં જોવા મળશે.

Ultra Luxury Things Owner Alia Bhatt
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ