વિવાદ / ઘરની અંદર આરામ કરતા સમયનો ફોટો લીક થતાં ભડકી આલિયા ભટ્ટ, અનેક કલાકારો આવ્યા સપોર્ટમાં, જાણો આખો વિવાદ

• આલિયા ભટ્ટના ઘરની અંદરના ફોટો થયા લીક 
• આલિયાને આ વાત પર આવ્યો ગુસ્સો 
• આલિયાના સપોર્ટમાં આવ્યું આખું બોલિવુડ 

બોલિવુડ એક્ટર્સની વાઈફ વિશે જાણવા માટે દરેક લોકો ઉત્સુક રહે છે. તે ડિનર કરવા પણ જો બહાર જાય તો ફેંસની ભીડ અને કેમેરા તેમને ઘેરી લે છે. હવે આલિયાના ઘરની અંદર આરામ કરતા ફોટો વાયરલ થઈ રહ્યો છે. જ્યાર બાદ એક્ટ્રેસનો ગુસ્સો સાતમાં આસમાને છે. આટલું જ નહીં તેના સપોર્ટમાં અનુષ્કા શર્મા અર્જુન કપૂર સહિત ઘમા સ્ટાર્સ પણ આવ્યા છે. 

મુંબઈ પોલીસને કરી ટેગ 
આલિયાએ પોતાની તસવીરની સાથે સોશિયલ મીડિયા પર મુંબઈ પોલીસને ટેગ કરતા લખ્યું, "આ મજાક છે?  હું પોતાના લિવિંગ રૂમમાં બપોરે આરામથી બેઠી હતી. ત્યારે મને લાગ્યું કે કોઈ મને જોઈ રહ્યું છે. જ્યારે મેં ઉપર જોયું તો પાસેની બિલ્ડિંગથી બે લોકો મારા ફોટો પાડી રહ્યા છે. આ કઈ દુનિયા છે? કોઈની પર્સનલ લાઈફ પર અટેક છે. એક લાઈન હોય છે જેને પાર ન કરવી જોઈએ પરંતુ આજે બધી જ હદો પાર થઈ ગઈ."

અનુષ્કા શર્મા પણ ભડકી 
અનુષ્કા શર્મા અને અર્જુન કપૂર સહિત તમામ સેલેબ્સે આલિયાનો સાથ આપતા તેમની સ્ટોરીને શેર કરી છે. અનુષ્કા શર્માએ લખ્યું, "એવું પહેલી વખત નથી થયું કે આ લોકો આમ કરી રહ્યા છે. લગભગ 2 વર્ષ પહેલા અમે પણ તેમને આજ વાતને લઈને સંભળાવ્યું હતું...."

અર્જુન કપૂરે પણ આપી પ્રતિક્રિયા 
અર્જુન કપૂરે તેને શરમજનક ગણાવ્યું છે. તે ઉપરાંત આલિયાની બહેન શાહીને લખ્યું, "શું આજના ટાઈમમાં કોન્ટેન્ટ માટે કોઈ પણના ઘરમાં ઝૂમ લેન્સ દ્વારા ડોકાચીયુ કરવું કુલ વાત થઈ ગઈ છે?" 

નીતુ કપૂરે પણ કર્યું સપોર્ટ 
આલિયા ભટ્ટની સાસુ અને અભિનેત્રી નીતુ કપૂરે આલિયાની તસવીરો પોસ્ટ કરવા બદલ એક મીડિયા હાઉસની ટીકા કરી હતી, તેમણે લખ્યું "આ બરાબર નથી," નીતુએ આલિયાની પોસ્ટના સપોર્ટમાં લખ્યું, "પ્રાઈવસીનું ઉલ્લંધન" આ સાથે આલિયાની માતા સોની રાઝદાએ પણ તેમની પ્રતિક્રિયા આપી હતી.