આલિયાએ પોતાના ડ્રાઈવરને ઘર લેવા માટે આપ્યાં જુઓ કેટલાં લાખ? જૂહુમાં લીધું ઘર

આલિયા ભટ્ટની પર્સનલ અને પ્રોફેનશલ લાઇફ બંને ઉત્તમ છે. એક બાદ એક હિટ ફિલ્મો આપીને તે બોલિવુડની ટોપ એક્ટ્રેસમાં પ્રખ્યાત થઇ ગઇ છે. ત્યારે રણવીર કપૂરની સાથેનાં રિલેશનને લઇને પણ ભારે ચર્ચામાં હોય છે. બંનેની ફેમિલી પણ તેઓનાં રિલેશનથી ખૂબ ખુશ છે. જો કે આલિયા આ વખતે એક ખાસ કારણોસર ચર્ચામાં આવી છે.



આલિયા ભટ્ટની જિંદગીમાં તેઓનાં પિતા મહેશ ભટ્ટ, મેંટર કરણ જોહર અને બોયફ્રેન્ડ રણવીર કપૂર સૌથી વધારે મહત્વ ધરાવે છે. પરંતુ આ ત્રણ સિવાય પણ એક શખ્સ છે કે જેનાં માટે આલિયા કંઇ પણ કરી શકે છે. તાજેતરમાં જ આલિયાએ એ વાત પણ સાબિત કરી દીધી છે.



આ શખ્સ છે આલિયાનો ડ્રાઇવર સુનીલ અને તેનો હેલ્પર અમોલ. જ્યારે આલિયાએ પોતાનાં કેરિયરની શરૂઆત 2012માંથી કરી હતી ત્યારથી આ બંને તેઓની સાથે જ છે. આલિયા આ બંને શખ્સને પોતાનાં પરિવારનો જ ભાગ માને છે. જેથી તેઓએ સુનીલ અને અમોલને 50 લાખ રૂપિયાનું ઘર પણ ગિફ્ટ આપ્યું છે.



સ્પોટબોય ડૉટ કૉમનાં રિપોર્ટ અનુસાર, આલિયાએ પોતાનાં બર્થડે પર સુનીલ અને અમોલને આ મોંઘુ ઘર ગિફ્ટમાં આપ્યું છે. આલિયાએ સુનીલ અને અમોલને 50-50 લાખ રૂપિયા આપ્યાં છે. જેનાંથી મુંબઇમાં તે પોતાનું ઘર ખરીદી શકે. ખબરોનું માનીએ તો સુનીલ અને અમોલે જુહુમાં અને ખાર વિસ્તારમાં પોતાનું 1 BHKઘર પણ બુક કરાવી લીધું છે.

આલિયાનાં વર્કફ્રંટની જો વાત કરીએ તો તે પોતે તે દિવસોમાં પોતાની ફિલ્મ 'કલંક'નું પ્રમોશન કરી રહેલ છે. ફિલ્મનું ટીઝર રિલીઝ થઇ ચૂકેલ છે. ત્યારે એક ગીત પણ હાલમાં રિલીઝ કરવામાં આવ્યું છે. આલિયા સાથે ફિલ્મમાં વરૂણ ધવન, માધુરી દિક્ષીત, સંજય દત્ત, આદિત્ય રોય કપૂર અને સોનાક્ષી સિંહા લીડ રોલમાં છે.