આલિયા ભટ્ટે દીકરીને જન્મ આપ્યો છે. આલિયા અને રણબીરના બાળકના જન્મ બાદ કપૂર અને ભટ્ટ પરિવારમાં ઉજવણીનો માહોલ છે.
આલિયા ભટ્ટે દીકરીને જન્મ આપ્યો
બાળકના જન્મ બાદ કપૂર અને ભટ્ટ પરિવારમાં ઉજવણીનો માહોલ
કપૂર પરિવારમાં નાની પરીએ જન્મ લીધો છે. જણાવી દઈએ કે આલિયા ભટ્ટે દીકરીને જન્મ આપ્યો છે. માતાપિતા બન્યા પછી આલિયા અને રણબીર ખૂબ ખુશ છે. બોલિવૂડનું સૌથી લવિંગ કપલ પેરેન્ટ ક્લબમાં સામેલ થઈ ગયું છે અને હાલ દરેક લોકો આલિયા-રણબીરને ખૂબ ખૂબ અભિનંદન આપી રહ્યા છે.
આલિયા ભટ્ટ અને રણબીર કપૂર તેમના પહેલા બાળકની ડિલિવરી માટે મુંબઈની HN રિલાયન્સ હોસ્પિટલ સવારે લગભગ 7.30 વાગ્યે પહોંચ્યા હતા.અને એ સમયે તેમની સાથે નીતુ કપૂર, સોની રાઝદાન અને શાહીન ભટ્ટ પણ હોસ્પિટલમાં પંહોચ્યાં હતા
કપૂર પરિવાર અને ભટ્ટ પરિવાર હોસ્પિટલ પહોંચ્યો
આ સમયે કપૂર અને ભટ્ટ પરિવાર બંને હોસ્પિટલ પહોંચી ગયા છે. આલિયા ભટ્ટની પ્રેગ્નન્સીને લઈને દરેક લોકો ખૂબ જ ઉત્સાહિત હતા અને થોડી ચિંતામાં પણ હતા.
પાંચ વર્ષનો સંબંધ અને પછી લગ્ન...
જણાવી દઈએ કે બ્રહ્માસ્ત્ર કપલ આલિયા ભટ્ટ અને રણબીર કપૂર પાંચ વર્ષ સુધી એકબીજાને ડેટ કર્યા હતા બંને વચ્ચેના સંબંધો ક્યારેય કોઈનાથી છુપાયેલા નથી. રણબીર અને આલિયાના લગ્ન 14 એપ્રિલ, 2022ના રોજ થયા હતા. અલીયા ભટ્ટે તેની પ્રેગનેન્સીની ખબર લગ્નના અઢી મહિના પછી તેના ફેન્સ સાથે શેર કરી છે. એમના લગ્નમાં નજીકના સબંધીઓ અને મિત્રો શામેલ થયા હતા. આલિયા અને રણબીરના લગ્નની તસ્વીર એ સમયે સોશ્યલ મીડિયા પર ખુબ જ વાયરલ થઇ હતી.
આલિયા ભટ્ટ અને રણબીર કપૂરના લગ્ન પછીનું આ વર્ષ ખૂબ જ ખાસ રહ્યું છે. આ વર્ષમાં તેમની એક સાથે કામ કરેલ પહેલ ફિલ્મ બ્રહ્માસ્ત્ર રિલીઝ થઈ હતી અને આ ફિલ્મે દુનિયાભરમાં સારી કમાણી કરી હતી અને સુપરહિટ સાબિત થઇ હતી.