કૃષ્ણા રાજ બંગલાની ચમક જોઇને આલિયા ભટ્ટ અને રણબીર કપૂરનાં લગ્નની તૈયારીઓ વિષે અટકળો લગાવવામાં આવી રહી છે. જાણો વિગતવાર
આલિયા રણબીરનાં લગ્નની તૈયારીઓ જોરોશોરોમાં
કૃષ્ણા રાજ બંગલાની ચમક જોઇને લાગી રહી છે અટકળો
4 વર્ષોથી એકબીજાને ડેટ કરી રહ્યા છે આલિયા-રણબીર
આલિયા રણબીરનાં લગ્નની તૈયારીઓ
આલિયા ભટ્ટ અને રણબીર કપૂર લગભગ 4 વર્ષોથી એકબીજાને ડેટ કરી રહ્યા છે અને હવે પોતાના સંબંધને આગળના પડાવ પર લઇ જવા માટે તૈયાર છે. ફેંસ લાંબા સમયથી આ કપલનાં લગ્નની રાહ જોઈ રહ્યા હતા. બી ટાઉનમાં પણ લોકો આ રોયલ વેડિંગની રાહ જોઈ રહ્યા છે. આં વચ્ચે આરકે સ્ટુડિયોઝ અને રાજ કપૂરનાં બંગલામાં ચમક જોવા મળે છે, જેને જોઇને એવું લાગી રહ્યું છે કે કપૂર પરિવારે રણબીર કપૂર અને આલિયા ભટ્ટનાં લગ્નનાં સમાચારોની પુષ્ટિ કરી છે.
કૃષ્ણા રાજ બંગલાની ચમક જોઇને જાણવા મળે છે કે કપૂર પરિવાર રણબીર અને આલિયાનાં લગ્ન માટે શાહી તૈયારીઓ કરી રહ્યો છે. બંગલાને બેસ્ટ રીતે તૈયાર કરવાની કોશિશ કરવામાં આવી છે. આવામાં સૌ કોઈ લગ્ન માટે આતુર બની રહ્યા છે.
હાલમાં જ એક વીડિયો સામે આવ્યો હતો જેમાં ફૂલોથી ભરાયેલ ટ્રક જોવા મળી રહ્યા હતા. જેથી જાણ થાય છે કે આલિયા અને રણબીરનાં લગ્ન માટે પીળા અને સફેદ ફ્લાવર્સ દ્વારા શણગાર કરવામાં આવી રહ્યો છે. લગ્નનાં સમાચારો વચ્ચે હાલમાં જ રણબીર કપૂરને પણ સ્પોટ કરવામાં આવ્યા હતા.
શૂટિંગમાં વ્યસ્ત હતા રણબીર કપૂર
આ દરમિયાન તેઓ કેપ અને લાઈટ બ્લૂ કલરનાં શર્ટ પેન્ટમાં જોવા મળ્યા હતા. પેપરાઝીને જોયા બાદ તેમણે હાથ હલાવીને તેમને ગ્રીટ પણ કર્યું. રણબીર ગયા દિવસો પોતાની અપકમિંગ ફિલ્મના શૂટિંગમાં વ્યસ્ત હતા. લગ્ન પહેલા તેઓ પોતાના બધા જ વર્ક કમિટમેન્ટસ પૂરા કરી લેવા માંગતા હતા. એટલા માટે તેઓ ગયા દિવસો શ્રદ્ધા કપૂર સાથે લવ રંજનનાં શૂટિંગમાં વ્યસ્ત હતા.
વ્યસ્ત હોવાને કારણે રણબીર કપૂર લગ્નની તૈયારીઓમાં ભાગ લઇ શક્યા ન હતા. જેને કારણે આલિયા અને નીતૂ કપૂર લગ્નની તૈયારીઓમાં લાગ્યા હતા. જ્યારે બીજી બાજુ અત્યાર સુધી આલિયા-રણબીરનાં લગ્નની ડેટને લઈને જાતજાતની અટકળો લગાવવામાં આવી રહી છે. 14 કે 17? આલિયા અને રણબીર કઈ ડેટ પર લગ્ન કરવાનાં છે તેને લઈને હજુ પણ કોઈ કન્ફર્મેશન મળ્યું નથી, આ લગ્નને લઈને ફેન્સ ખૂબ જ એક્સાઈટેડ છે.