આરોપ / VIDEO: નેશનલ ટેલિવિઝન પર લાઇવ દરમિયાન ધ્રૂસકે ને ધ્રૂસકે રડી પડ્યો આ એક્ટર

પાકિસ્તાની એક્ટર અલી ઝફર પર ગત વર્ષે એક્ટ્રેસ મીશા શફીએ યૌન શોષણનો આરોપ લગાવ્યો હતો. આ આરોપોને હવે પાકિસ્તાની કોર્ટ દ્વારા ફગાવી દેવામાં આવ્યા છે. આ મુદ્દાને લઇને જ્યારે એક નેશનલ ટેલિવિઝન પર અલી ઝફરે વાત કરી તો એ પોતાના ઇમોશન્સ કંટ્રોલ કરી શક્યો નહીં અને ધ્રૂસકે ને ધ્રૂસકે રડી પડ્યો. 

રિપોર્ટ્સ પ્રમાણે અલી ઝફર ખુદની ઉપર લાગેલા આરોપો પર પાકિસ્તાનની એક ચેનલ પર પોતાનો પક્ષ રાખતા વાત કરી રહ્યો હતો. એ દરમિયાન જ્યારે એને એવું કહેવાનું શરૂ કર્યું કે આ આરોપોથી એના કરિયરથી લઇને પરિવાર સુધી કેટલી ખરાબ અસર પડી તો એ ભાવુક થઇ ગયો. 

અલીએ રડતા કહ્યું, 'આપણે બધા ખૂબ લાંબા સમયથી ચૂપસાપ બધું સહન કરી રહ્યા છીએ. માત્ર હું જ નહીં પરંતુ મારો પરિવાર, મારા બાળકો અને મારી પત્ની પણ. મે પણ ગત વર્ષે એક શબ્દ કહ્યો નહીં અને નિર્ણય લીધો કે એનવી વિરુદ્ધ લીગલ એક્શન લઇશ. એ લોકો ફેક અકાઉન્ટથી એલા લોકોને મારી વિરુદ્ધ ટેગ કરી રહ્યા છે જે મને કામ આપવાનો પ્રયત્ન કરે છે, કારણ કે મારું કરિયર બરબાદ થઇ શકે.' બાદમાં એક્ટરને નૉર્મલ થવામાં ઘણો સમય લાગ્યો. 

Ali Zafar breaks down in tears over sexual harassment allegations #ShareToAware pic.twitter.com/C98pD2HO1a

— Share To Aware (@ShareToAware) April 28, 2019

જણાવી દઇએ કે આરોપ ફગાવ્યા બાદ અલીએ મીશા શફીને કોર્ટમાં આવીને 'ખોટું બોલાયેલા પરિણામનો સામનો' કરવાની વાત કહી છે. એને લઇને અલીએ ઘણા ટ્વિટ્સ પણ કર્યા છે.