શું તમે પણ Alexa અને Google સ્માર્ટ સ્પીકરનો ઉપયોગ કરો છો? તો તમારી પણ તમામ પર્સનલ વાતો આ સ્માર્ટ ડિવાઈઝ રેકોર્ડ કરી શકે છે. નવાઈની વાત તો એ છે કે આપણે ખુદ જ આ વસ્તુ માટે પૈસા ખર્ચીને ડિવાઈઝ ખરીદીએ છીએ.
Alexa અને Google સ્માર્ટ સ્પીકરથી ચેતજો
તમારી પર્સનલ માહિતી સાંભળી શકે છે ડિવાઈઝ
તમામ વોઈસ નોટ્સ સેવ કરીને રાખે છે આ ડિવાઈઝ
ગૂગલ અને એમેઝોનએ દાવો કર્યો છે કે જ્યાં સુધી તમે 'ઓકે ગૂગલ' કે 'હેય એલેક્સા' નથી બોલતં ત્યાં સુધી આ ડિવાઈઝ તમારી વાતો રેકોર્ડ નથી કરતી પરંતુ જ્યારે તમે આ ડિવાઈઝની રેકોર્ડિંગ એક્સેસને ચેક કરશો ત્યારે તમને પરિણામો વિશે માહિતી મળશે.
હિસ્ટ્રી તમે ખુદ ચેક કરી શકશો
એમેઝોન અને ગૂગલનાં સ્માર્ટ ડિવાઈઝની હિસ્ટ્રી તમે ખુદ ચેક કરી શકશો. જો તમે આ ડિવાઈઝની રેકોર્ડિંગ પર ધ્યાન આપશો તો તમને ખ્યાલ આવશે કે જ્યારે તમે આ ડિવાઈઝને બોલાવતાં પણ નથી ત્યારે પણ તમારી વાતો રેકોર્ડ થાય છે. તેનાથી વધારે પણ મુશ્કેલીજનક વાત તો એ છે કે યૂઝર પોતાની પ્રાઈવસીને લઈને કોર્ટમાં પણ રિપોર્ટ નહીં કરી શકે.
સ્માર્ટ સ્પીકર AI પર બેસ્ડ હોય છે
એમેઝોન અને ગૂગલનાં સ્માર્ટ ડિવાઈઝનાં ઉપયોગ કરવા પહેલાં યૂઝર્સને Privacy Policyને એક્સેપ્ટ કરવું પડે છે. આ બાદ યૂઝર પ્રાઈવસીનાં મામલામાં રિપોર્ટ પણ ન કરી શકે. Google અને Amazonનાં સ્માર્ટ સ્પીકર AI પર બેસ્ડ હોય છે. કંપનીઓનું કહેવું છે કે અનેકવાર ઓકે ગૂગલ કે હેય એલેક્સા ન બોલ્યા છતાં પણ ડિવાઈઝને લાગે છે કે તમે એમને કમાન્ડ આપી છે અને તે તરત જ વાતને રેકોર્ડ કરવા માંડે છે. એટલું જ નહીં ગૂગલ અને એમેઝોન આ રેકોર્ડિંગ્સને યૂઝર્સનાં નામની સાથે સેવ કરે છે. તેવામાં તમારી પર્સનલ વાતચીતને પબ્લિક થઈ જવાનો ભય હંમેશા રહે છે.
કઈ રીતે તમે બચાવી શકશો તમારો ડેટા?
તમારા ગૂગલ અસિસ્ટેન્ટ એકાઉન્ટમાંથી રેકોર્ડિંગને શોધવા માટે નવી વિંડોમાં MyActivity.Google.com પર જાઓ.
લૉગ ઈન કરીને કોર્નર પર આવેલા તમારા પ્રોફાઈલ ફોટો પર ક્લિક કરવું.
ત્યારબાદ Google Account > Personal Info & Privacy > Manage Your Google Activity પર જઈને My Activity પર ક્લિક કરવું.
હવે My Activity પેજ પર સ્ક્રોલ કરી તમામ ડેટા ચેક કરી શકશો.
તમારી એક્ટિવીટીની હિસ્ટ્રી ડિલીટ કરવા માટે ખુણા પર આવેલા ત્રણ ટપકાં પર ક્લિક કરવું અને ડિલીટનાં ઓપશ્ન પર ક્લિક કરવું.
Alexa પરથી કઈરીતે ડેટા ડિલીટ કરવો?
એલેક્સાની પ્રાઈવસી સેટિંગ્સ પર જાઓ.
Review Voice History પર ક્લિક કરો.
અહીં તમે ડેટ અને ડિવાઈઝ અનુસાર તમામ વોઈસ રેકોર્ડિંગ્સ મેળવી શકશો.
તેમાંથી જે ઈચ્છો એ માહિતી તમે ડિલીટ કરી શકો અને Delet selected recordings પર ક્લિક કરવું.