એલર્ટ / રાજ્યમાં આતંકી હુમલાની આશંકાને લઈને એલર્ટ, બોર્ડર પર હથિયારબદ્ધ જવાનો તૈનાત

ગુજરાતમાં આતંકી હુમલાના અલર્ટને કચ્છની સરહદો પર સુરક્ષામાં વધારો કરી દેવામાં આવ્યો છે. સાથે જ આંતરરાજ્ય ચેકપોસ્ટ પર ચેકિંગ ચાલુ કરવામાં આવ્યું છે. મહારાષ્ટ્ર, રાજસ્થાન તરફથી ગુજરાતમાં આવતા વાહનોનું સઘન ચેકિંગ કરવામાં આવી રહ્યુ છે. જ્યારે બોર્ડર પર સ્થાનિક પોલીસ અને SRPના હથિયાર બંધ જવાનોને તૈનાત કરવામાં આવ્યા છે. સાથે જ કોઈ અનિચ્છનિય બનાવ ન બને તે માટે જાહેર સ્થળો પર પોલીસ વોચ રાખી રહી છે.

અફઘાનીસ્તાન પાસપોર્ટવાળા 4 શંકાસ્પદ આતંકી ભારતમાં ઘુસ્યા હોવાના ગુપ્તચરના અહેવાલ બાદ કચ્છની સરહદો પર સુરક્ષામાં વધારો કરી દેવામાં આવ્યો છે. પોલીસ દ્વારા સઘન ચેકિંગ કરવામાં આવી રહ્યું છે. તો ઠેર ઠેર ચેકપોસ્ટ બનાવીને નાકાબંધી કરવામાં આવી છે અને તમામ વાહનોનું ચેકિંગ હાથ ધરવામાં આવી રહ્યું છે.

રાજસ્થાનમાં ISIના એજન્ટ સાથે 4 આતંકી દેશમાં ઘૂસ્યા હોવાની ઈનપુટ મળી રહ્યા છે. જેને પગલે દેશભરમાં પોલીસે સઘન ચેકિંગ હાથ ધર્યું છે. તમામ શહેરોમાં પોલીસ પણ સઘન ચેકિંગ કરી રહી છે. તેમજ રાજ્યોની સરહદો પર પણ સુરક્ષા એજન્સીઓ નજર રાખીને બેઠી છે. તેમજ બોર્ડરથી રાજ્યમાં પ્રવેશતા તમામ વાહનોને ચેકિંગ બાદ જ આગળ જવા દેવામાં આવી રહ્યા છે.