જો તમે દેશની સૌથી મોટી બેંક SBIના ગ્રાહક છો તો આ ખબર તમારા માટે જરૂરી છે. બેંકે પોતાના ગ્રાહકોને એક ટ્વિટની મદદથી એલર્ટ કર્યા છે. બેંકે કહ્યું છે તે તહેવારની સીઝનની વચ્ચે આજે 1 દિવસ માટે ઓનલાઈન સેવાઓમાં મુશ્કેલી આવી શકે છે. જો કે તમે એટીએમની મદદ લઈ શકો છો. ઈન્ટરનેટ બેંકિંગ પ્લેટફોર્મને અપડેટ કરવા માટે આજે કેટલીક સર્વિસ પર પ્રતિબંધ રહેશે.
SBIએ ગ્રાહકોને કર્યા એલર્ટ
આજે કેટલીક સર્વિસિસ રહેશે બંધ
ઈન્ટરનેટ બેંકિંગ પ્લેટફોર્મને અપડેટ કરવા લેવાયો નિર્ણય
SBIએ ટ્વિટમાં કહ્યું છે કે અમે ગ્રાહકોને વધારે સારી સુવિધા આપવા માટે ઈન્ટરનેટ પ્લેટફોર્મને અપગ્રેડ કરી રહ્યા છીએ. આ અપગ્રેડ એક્ટિવિટીના સમયે અમારી ઈન્ટરનેટ બેંકિંગ, યોનો, યોનો લાઈટમાં 8 નવેમ્બર 2020ને બાધિત રહી શકે છે. આ સમસ્યા માટે અમને દુઃખ છે.
એસબીઆઈએ ટ્વટિર પર કહ્યું કે ગ્રાહકો પોતાની રીતે કામનું પ્લાનિંગ કરી લે જેથી તેમને કોઈ સમસ્યા ન આવે. એવામાં જો તમે નેટ બેંકિંગની મદદ લેવાના પ્લાનમાં છો તો તમને મુશ્કેલી પડી શકે છે. તો તમે અન્ય રીતે તમારું કામ કરી લો તે યોગ્ય છે.
યોનો એપ પર પણ બાધિત રહેશે સેવાઓ
બેંકે કહ્યું છે કે આ અપગ્રેડેશન પ્રોસેસના આધારે યોનો એપ અને યોનો લાઈટ એપ પર પણ અસર પડશે. એવામાં ગ્રાહક પહેલાંથી તમામ તૈયારીઓ કરી લે અને જરૂરી કામને પતાવી લે.