નવસારી / ભારે વરસાદને લઇ 48 ગામોમાં એલર્ટ; 200 પરિવારોનું કરાયું સ્થળાંતર

નવસારી જિલ્લામાં ભારે વરસાદના કારણ નદીઓ ગાંડીતૂર બની રહી છે. કાવેરી નદીના પાણી ચીખલીમાં આવેલા રિવરફ્રન્ટમાં ઘૂસી ગયા છે. અને રિવરફ્રન્ટ પર પાણી ફરીવળતા લોકોમાં ગભરાહટ જોવા મળી રહી છે. નવસારી જિલ્લાના 48 જેટલા ગામો એલર્ટ પર છે. અને કેટલાક ગામોના સંપર્ક તૂટી ગયા છે. ગણદેવી, ચીખલી અને નવસારીમાંથી કુલ 200 પરિવારોનું સ્થળાંતર કરવામાં આવ્યું છે.