ચેતજો / SBIએ ગ્રાહકોને આપી ચેતવણી, ફોનમાં ભૂલથી પણ ન કરતાં આ કામ નહીં તો ખાલી થઈ જશે બેંક-બેલેન્સ

• એસબીઆઈએ ગ્રાહકોને આપી ચેતવણી
• ભૂલથી પણ ફોનમાં આ ડિટેલ્સ સેવ કરવી નહીં
• ખાલી થઈ શકે છે બેંક એકાઉન્ટ

એસબીઆઈએ ફ્રોડની વધતી ઘટનાઓને ધ્યાનમાં રાખી ગ્રાહકોને સાવધાન રહેવાની સલાહ આપી છે. એટીએમ કાર્ડ ડિટેલ્સ અને પિન દ્વારા પૈસા ઉપાડી લેવાના ફ્રોડ સતત વધતાં જઈ રહ્યાં છે. જેથી એસબીઆઈએ તેના ગ્રાહકોને એટીએમ કાર્ડ અને પિનને સેફ રાખવાની સલાહ આપી છે. ચાલો જાણીએ કઈ રીતે બચી શકાય છે ફ્રોડથી.

બેંક એકાઉન્ટની જાણકારી ફોનમાં ક્યારેય સેવ ન કરો

એસબીઆઈનું કહેવું છે કે, તમારા બેંક એકાઉન્ટ અથવા ઓનલાઈન બેંકિંગની જાણકારી ફોનમાં ક્યારેય સેવ રાખવી નહીં. બેંકે કહ્યું છે કે, બેંક એકાઉન્ટ નંબર, પાસવર્ડ, એટીએમ કાર્ડ નંબર અથવા કે પછી કાર્ડનો ફોટો ખેંચીને ફોનમાં ભૂલથી પણ રાખવો નહીં, કારણ કે તેનાથી જાણકારી લીક થવાનો ખતરો રહે છે. 

Your ATM CARD & PIN are important. Here are some tips to keep your money - safe & secured. For information, please visit -https://t.co/dqeuQ4j0JI pic.twitter.com/NUaFB6jOmg

— State Bank of India (@TheOfficialSBI) January 22, 2020

એટીએમ કાર્ડ અથવા કાર્ડની ડિટેલ્સ શેર કરવી નહીં

પોતાના એટીએમ કાર્ડ અથવા કોઈપણ કાર્ડનો ઉપયોગ પોતે જ કરવો. બીજા કોઈને પણ એટીએમ અથવા કોઈપણ કાર્ડ ઉપયોગ કરવા આપવો નહીં. આ સિવાય કાર્ડની ડિટેલ્સને પણ કોઈની સાથે શેર કરવી નહીં. આવું કરવા પર તમારા કાર્ડની જાણકારી લીક થઈ શકે છે. 

ભૂલથી પણ શેર ન કરવો પિન

ક્યારેય કોઈને તમારો ઓટીપી, પિન નંબર, ડેબિટ અથવા ક્રેડિટ કાર્ડનો CVV નંબર બચાવવો નહીં. બેંક મુજબ, મોટાભાગના ફ્રોડ આ રીતે જ કરવામાં આવે છે. ફોન કોલ પર કાર્ડનું નામ લઈને બ્લોક કરવાની ચેતવણી આપવામાં આવે છે અને પછી પાસવર્ડ બદલવા માટે ઓટીપી અથવા કાર્ડની પાછળ લખેલાં સીવીવી નંબર માંગે છે. જેથી આવી છેતરપિંડીથી સાવધાન રહેવું. 

બેંક ક્યારેય આવી જાણકારી માંગતી નથી

એસબીઆઈએ તેના ટ્વિટર એકાઉન્ટ પર જાણકારી શેર કરી છે કે, બેંક ગ્રાહકો પાસેથી ક્યારેય યુઝર આઈડી, પિન, પાસવર્ડ, સીવીવી, ઓટીપી, વીપીએ (યૂપીઆઈ) જેવી પર્સનલ ડિટેલ્સ માંગતી નથી. જેથી કોઈપણ ટ્રાન્ઝેક્શન વખતે આ બાબતોનું ધ્યાન રાખવું.