આગાહી / બિહારઃ આગામી 48 કલાકમાં પડી શકે છે ભારે વરસાદ, શાળાઓમાં રજા જાહેર કરાઇ

નેપાળમાંથી બિહારમાં પ્રવેશતી કોશી નદી પણ ભયજનક સપાટીએ વહી રહી છે. જ્યારે બિહારના પટના સહિતના અનેક જિલ્લાઓમાં ભારે વરસાદ થઈ શકે છે. છેલ્લા એક સપ્તાહથી બિહારમાં થઈ રહેલા વરસાદના કારણે નદીના જળસ્તર ઉંચા આવ્યા છે.

જેના કારણે નીચાણવાળા વિસ્તારોમાં રહેતા લોકોમાં ભયનો માહોલ ફેલાયેલો છે. હવામાન વિભાગનું માનીએ તો બિહારના અરરિયા, મોતિહારી, બેતિયા, સુપૌલ, સીતામઢી, મધુબની, ભાગલપુર, ખગડિયા, પૂર્ણિયા અને મધેપુરામાં ભારે વરસાદ થઈ શકે છે.
 

Bihar: Several areas in west Champaran waterlogged, following heavy rainfall. (12.07.2019) pic.twitter.com/4Vp3MS8HvK

— ANI (@ANI) July 13, 2019

રાજ્યમાં ભારે વરસાદની આગાહીને પગલે પૂર્વી ચંપારણ અને મોતિહારીમાં કલમ 144 લાગુ કરી દેવામાં આવી છે. આ સાથે જ જિલ્લાની તમામ સરકારી અને ખાનગી શાળામાં રજા જાહેર કરી દેવામાં આવી છે.

બિહારના પશ્ચિમી ચંપારણ બગહામાં છેલ્લા ચાર દિવસથી સતત વરસાદ વરસી રહ્યો છે. જ્યારે સીતામઢીમાં પડી રહેલા સતત વરસાદ ઝૂપડીમાં રહેતા ગરીબો માટે આફતરૂપ બની રહ્યો છે.  આમ બિહારમાં આગામી 48 કલાકમાં ભારે વરસાદની ચેતવણી આપવામાં આવી છે.

હવામાન વિભાગ અનુસાર પટના સહિત અનેક જિલ્લામાં ભારે વરસાદનું અનુમાન છે. છેલ્લા એક અઠવાડિયાથી બિહારમાં સતત વરસાદ પડી રહ્યો છે.