આ એપ્સને લઈને સિક્યોર્ટી ફર્મ ટ્રેન્ડ માઈક્રોએ જણાવ્યું કે આ એપ્સને યુઝર પોતાના ફોનમાંથી તરત ડિલીટ કરી લે
ડેટા ચોરી મામલો
ગુગલે આ એન્ડ્રોય એપ્સ કરી બેન
એપ્સ યુઝર્સની પર્સનલ ડિટેલ ચોરી રહી છે
એન્ડ્રોયડ એપ્સની મદદથી ડેટા ચોરી કરવાનો મામલો ફરી એક વખત સામે આવ્યો છે. જેના કારણે ગુગલ પ્લે સ્ટોર પર હાજર 8 એપ્સને બેન કરી દેવામાં આવી છે. આ એપ્સને લઈને સિક્યોર્ટી ફર્મ ટ્રેન્ડ માઈક્રોએ જણાવ્યું કે આ એપ્સને યુઝર પોતાના ફોનમાંથી તરત ડિલીટ કરી લો. આ બધી એપ્સ યુઝર્સની પર્સનલ ડિટેલ ચોરી રહી છે. બેન કરેલી 8 એપ્સ ક્રિપ્ટોકરન્સી માઈનિંગથી રિલેટેડ છે.
દર મહિને 1100 રૂપિયા લઈ રહ્યા છે
સિક્યોરિટી ફર્મ ટ્રેન્ડ માઈક્રોએ પોતાના એક રિપોર્ટમાં જણાવ્યું કે, આ 8 એપ્સ દ્વારા યુઝર્સને એડ જોવાના, સબ્સક્રિપ્શન સર્વિસ માટે દર મહિને સરેરાસ 15 ડોલરના પેમેન્ટ કરવા જેવા કામોની સાથે ફસાવવામાં આવતા હતા. ફર્મે જણાવ્યું કે એપ્સ પેડ હતી જેનો મતલબ છે કે યુઝર્સને પોતાના સ્માર્ટફોનમાં આ એપ્સને ડાઉનલોડ કરવા માટે પૈસા આપવાના હોય છે.
12 મહિનામાં 4500 યૂઝર્સ પ્રભાવિત થયા
સિક્યોરિટી ફર્મના રિપોર્ટ અનુસાર ગુગલે પોતાના પ્લે સ્ટોર દ્વારા દરેક એપ્સને હટાવી દેવામાં આવી છે. સિક્યોરિટી એક્સપર્ટ દ્વારા એ વાતની પણ સલાહ આપવામાં આવી છે કે આ દરેક એપ્સને યુઝ કરનાર યુઝર્સ ફોનથી હટાવી દો. રિસર્ચ અનુસાર, હાલ 120થી વધારે ફેક ક્રિપ્ટોકરન્સી માઈનિંગ એપ્સ ઓનલાઈન ઉપલબ્ધ છે. દુનિયાભરમાં જુલાઈ 2020થી જુલાઈ 2021ની વચ્ચે 4500થી વધારે યુઝર્સ પ્રભાવિત થયા છે.
ક્રિપ્ટો હોલિક અને ડેલી બિટકોઈન રિવાડ્સ પેડ એપ્સ
ટ્રેન્ડ માઈક્રો અનુસાર, આ 8માંથી 2 એપ્સ પેડ છે. ક્રિપ્ટો હોલિક-વિટકોઈન ક્લાઉડ માઈનિંગની કિંમત 12.99 ડોલર હતી. જ્યારે ડેલી બિટકોઈન રિવાઈઝ એપની કિંમત 5.99 ડોલરની હતી. આ નકલી ક્રિપ્ટો એપથી દુર રહેવા માટે યુઝર્સને સલાહ આપવામાં આવી છે કે એપના રિવ્યુ સેક્શનને સારી રીતે જોઈ લો.