ચેતી જજો / Alert! બૂસ્ટર ડોઝના નામે કોઈ OTP માગે તો તરત થઈ જજો સાવધાન, ખાલી થઈ શકે છે બેંક એકાઉન્ટ

• સાઇબર ઠગોએ કોરોનાના બૂસ્ટર ડોઝ પર છેતરપિંડી શરૂ કરી
• બૂસ્ટર ડોઝના બહાને કોઈ OTP માગે તો થઈ જજો સાવધાન
• જો ઓટીપી નંબર આપશો તો બેન્ક એકાઉન્ટ થઇ જશે ખાલી

સાઈબર ઠગોએ બૂસ્ટર ડોઝ લગાવવાના બહાને લોકોને છેતર્યા

સાઈબર ઠગોએ બૂસ્ટર ડોઝ લગાવવાના નામે લોકોને છેતરવાનું શરૂ કરી દીધુ છે. તેઓ કૉલ કરીને બૂસ્ટર ડોઝ માટે રજીસ્ટ્રેશન કરાવવાના બહાને લોકો પાસેથી ઓટીપી નંબર પૂછી લે છે અને તેના દ્વારા બેન્ક એકાઉન્ટ ખાલી કરી નાખે છે. 

આ રીતે બનાવી રહ્યાં છે શિકાર

કોલ આવશે અને ઠગ પૂછશે- શું તમને બંને વેક્સિન લગાવવામાં આવી છે?
તમે કહેશો- હા
ઠગ- સર તમારે બૂસ્ટર ડોઝ લગાવવાનો છે. હું તમારું રજીસ્ટ્રેશન કરી રહ્યો છુ. ઓટીપી આવશે, તેને જણાવી દો.

તમે જેવો ઓટીપી જણાવશો કે તમારા બેન્ક એકાઉન્ટમાં પૈસા સાફ થઇ શકે છે. ઉલ્લેખનીય છે કે, દેશમાં કોરોનાના નવા વેરિએન્ટ ઓમિક્રોનના 552 નવા કેસો સામે આવ્યાં બાદ દેશના 27 રાજ્યો અને કેન્દ્ર શાસિત પ્રદેશોમાં કોરોના વાયરસના આ વેરિએન્ટથી અત્યાર સુધી સંક્રમિત થયેલા લોકોની સંખ્યા વધીને 3623 થઇ ગઇ છે. કેન્દ્રીય સ્વાસ્થ્ય મંત્રાલયે રવિવારે આ માહિતી આપી.

224 દિવસ બાદ દેશમાં સૌથી વધુ કોરોનાના કેસો

મંત્રાલયના સવારે 8 વાગ્યાના આંકડા મુજબ, છેલ્લાં 24 કલાકમાં કોરોના વાયરસ સંક્રમણના 1,59,632 નવા કેસો સામે આવ્યાં છે, જે છેલ્લાં 224 દિવસમાં સામે આવેલા સૌથી વધુ દૈનિક કેસો છે. દેશમાં સારવાર હેઠળના દર્દીઓની સંખ્યા વધીને 5,90,611 થઇ છે. જે લગભગ 197 દિવસમાં સૌથી વધુ છે. આની પહેલા ગયા વર્ષે 29મેના રોજ સંક્રમણના 1,65,553  કેસો સામે આવ્યાં હતા. દેશમાં છેલ્લાં 24 કલાકમાં 327 લોકોના મોત થયા બાદ મૃતકોની સંખ્યા વધીને 4,83,790 થઇ છે.