ગુજરાતમાં 31મી ડિસેમ્બરની ઉજવણી ઘણીવાર નશીલી બને છે ત્યારે રાજ્યમાં દારૂની હેરફેર વધી જાય છે દર વર્ષે બુટલેગરો દારૂની હેરફેર માટે નવા નવા કિમીયા અપનાવી લેતા હોય છે. મહિલાઓનો ઉપયોગ સૌથી વધુ દારૂની હેરફેર માટે કરવામાં આવે છે ત્યારે આણંદ ઉમરેઠમાં બસમાંથી એક મહિલા દારૂ સાથે ઝડપાઈ જતા ચકચાર મચી ગઈ હતી. ગુજરાતમાં દારૂબંધી હોવા છતાં દર તહેવારમાં લાખો-કરોડોનો દારૂ પકડાય છે ત્યારે પ્રશ્ન થાય કે ડ્રાય સ્ટેટમાં દારૂ લાવે છે કોણ?
આણંદના ઉમરેઠ બસ સ્ટેન્ડ પર દારૂ સાથે મહિલા ઝડપાઇ
મહિલાના થેલામાં બિયર અને વિસ્કીની બોટલ મળી
સરપંચ પણ કરે છે દારૂની ખેપ
પોલીસે મહિલાની ધરપકડ કરી વધુ પૂછપરછ હાથ ધરી
ગુજરાતમાં દારૂબંધી છે તેમ છતાં વારે તહેવારે છે. ત્યારે પ્રશ્ન થાય કે ડ્રાય સ્ટેટમાં દારૂ આવે છે ક્યાંથી? કોણ લાવે છે આ દારૂ ? અને વારંવાર આ અંગે ખુલાસાઓ થાય છે તેમ છતાં દરક 31મી ડિસેમ્બરે ગુજરાતમાં દારૂ આવે જ છે? તો શું બુટલેગરોને કાયદો વ્યવસ્થાનો જરાય ડર જ નથી કે પછી કાયદો-વ્યવસ્થાના અધિકારીઓ જ બુટલેગરો સાથે ભળે લા છે?
મહિલાઓ બની રહી છે નવું કેરિયર
આણંદના ઉમરેઠ બસ સ્ટેન્ડ પર દારૂ સાથે મહિલા ઝડપાઇ છે. મહિલાના થેલામાં બિયર અને વિસ્કીની બોટલ મળી છે. મહિલા દાહોદથી ઉમરેઠ દારૂ આપવા આવી હતી. 31 ડિસેમ્બરને લઇ બુટલેગરો અવનવા નુસખા અપનાવી રહ્યાં છે. ત્યારે પોલીસે મહિલાની ધરપકડ કરી વધુ પૂછપરછ હાથ ધરી છે.
સરપંચ ઝડપાયા
થર્ટી ફસ્ટ પહેલા વલસાડમાંથી દારૂ ઝડપાયો છે. પારડીમાં દારૂની ખેપ મારતા ડેપ્યુટી સરપંચની ધરપકડ કરાઈ છે. સરપંચ સહિત ત્રણ શખ્સોની ધરપકડ કરાઈ છે. બે કાર સહિત 21 લાખનો મુદ્દામાલ જપ્ત કરીને આગળની કાર્યવાહી હાથ ધરી છે.