ગુજરાતમાં દારૂબંધી તો ખાલી નામની જ રહી ગઈ છે પણ જીવનજરૂરી વસ્તુઓ માટે પણ હાલ મુશ્કેલી પડતી હોય ત્યારે દારૂ કેવી રીતે મળી રહે તે જ નવાઈ છે. સામાન્ય માણસ દવા લેવા કેટલીવાર નીકળ્યો એની જાહેરાત પોલીસવડા પત્રકાર પરિષદમાં કરે ત્યારે આ જ લોકડાઉનમાં ખુલ્લે આમ વેચાતો દારૂ તેમના ડ્રોન, અને આકાશમાં હાઈડ્રોજન ગેસથી ભરેલા બલૂનમાં પણ આ દ્રશ્યો નહીં દેખાતા હોય?
સુરતમાં થઈ રહ્યું છે દેશી દારૂનું વેચાણ
નાના વરાછાના ઢાળ વિસ્તારનો વીડિયો વાયરલ
પોલીસ મુક પ્રેક્ષક બની જોઈ રહી હતી તમાશો
એક તરફ લોકોને લોકડાઉનના કારણે ખાવા પીવાની ચીજવસ્તુઓ નથી મળી રહી. પણ નશાનો સામાન તો ખુલ્લેઆમ મળી રહ્યો છે. આ દ્રશ્યો છે સુરતના નાના વરાછા વિસ્તારના. જ્યાં ઢાળ વિસ્તારમાં ખુલ્લેઆમ દારુનુ વેચાણ ચાલી રહ્યું છે. બીજી તરફ પોલીસ મુક પ્રેક્ષક બનીને તમાશો જોઈ રહી છે.
પોલીસ મુક પ્રેક્ષક બની જોઈ રહી હતી તમાશો
પોલીસની રહેમ નજર હેઠળ જ દારૂનુ વેચાણ થઈ રહ્યું છે એમ કહીએ તો પણ નવાઈ નહીં. લોકોને જીવન જરૂરી ચીજવસ્તુ મેળવવાના ફાંફા પડી રહ્યા છે. તેવામાં દારૂનું છૂટથી વેચાણ થઈ રહ્યું છે. આ વિસ્તાર કાપોદ્રા પોલીસ સ્ટેશનની હદમાં આવે છે. એટલે કે પોલીસના નાક નીચે જ આ તમામ ગેરકાયદે કાર્યો થઈ રહ્યા છે. પણ પોલીસ દ્વારા કોઈ કાર્યવાહી કરવામાં નથી આવી રહી.. આ મામલે પોલીસ પર પણ સવાલ ઉઠી રહ્યા છે. કે આખરે લોકડાઉનમાં ચુસ્ત બંદોબસ્ત હોવા છતાં દારૂ ક્યાંથી આવે છે.