દારૂબંધી! / સુરત પોલીસ મહેરબાન તો બુટલેગર પહેલવાન, સરેઆમ દારૂની રેલમછેલ

• ઉધના પાંડેસરા વિસ્તારનો વીડિયો થયો વાયરલ
• જાગૃત યુવક દ્વારા દેશી દારૂની રેલમછેલ નો કરાયો પરદાફાશ
• બાઇક પર દેશી દારૂની હેરાફેરી કરતા બુટલેગરોને લોકોએ અટકાવ્યા

સુરતમાં દેશીદારૂની રેલમછેલનો વધુ એક પૂરાવો મળ્યો. ઉધનાના પાંડેસરા વિસ્તારમાં દારૂની રેલમછેલ જોવા મળી. એક યુવકે પાંડેસરા વિસ્તારમાંથી જતા બુટલેગરને અટકાવી અને તપાસ કરી. ત્યારે વાહનમાંથી દેશીદારૂની થેલીઓ મળી આવી હતી. સુરતના ઉધના, પાંડેસરા, ભેસ્તાન, ડિંડોલી વિસ્તારમાં દેશીદારૂની હેરાફેરી થતી હોવાનો પણ દાવો યુવક કરી રહ્યા છે.

ત્યારે સવાલો ઉઠી રહ્યા છે કે શું આ છે ગુજરાતમાં દારૂબંધી? ગુજરાતમાં બુટલેગરો પર કાર્યવાહી ક્યારે? દારૂબંધીનો કડક અમલ ક્યારે કરાશે?. સુરત પોલીસને કેટલો હપ્તો મળે છે? સુરત પોલીસ મહેરબાન તો બુટલેગર પહેલવાન? સુરત પોલીસને આ અંગે જાણ નથી કે આંખો બંધ કરી દીધી છે? શું રાજ્યમાં દારૂબંધી પોલીસના હપ્તા મેળવવાનું એક સાધન જ છે?

સળગતા સવાલ  

• શું આ છે ગુજરાતની દારૂબંધી?
• ગુજરાતમાં બુટલેગરો પર કાર્યવાહી ક્યારે?
• દારૂબંધીનો કડક અમલ ક્યારે કરાશે?
• સુરત પોલીસને કેટલો હપ્તો મળે છે?
• સુરત પોલીસ મહેરબાન તો બુટલેગર પહેલવાન?
• સુરત પોલીસને આ અંગે જાણ નથી કે આંખો બંધ કરી દીધી છે?
• શું રાજ્યમાં દારૂબંધી પોલીસના હપ્તા મેળવવાનું એક સાધન જ છે?