દારૂબંધી? / ગાંધીના ગુજરાતમાં બેફામ બુટલેગરો: અમદાવાદમાં 9 મહિલા બુટલેગરોની ધરપકડ

• સરખેજમા મહિલા બુટલેગરનો આતંક
• બિન્દાસ કરે છે દારૂનો વેચાણ
• 9 મહિલાઓ દારૂનો ધંધો કરતા રંગે હાથે ઝડપાઈ

અમદાવાદના સરખેજ વિસ્તારમા ગેરકાયદે દારૂની ભઠ્ઠીઓ ચલાવતી 9 મહિલા બુટલેગરો સહિત 10ની પોલીસે ધરપકડ કરી છે. સરખેજ વિસ્તારમાં આવેલા વણજર ગામ ના ભરવાડ વાસ, અને ચુનારા વાસમાં મહિલા બુટલેગરો દેશી દારૂ ન ની ભઠ્ઠીઓ ચલાવી દારૂનું વેચાણ કરતી હતી. 9 મહિલાઓને ઝડપી પોલીસે અલગ-અલગ 10 ગુના નોંધાયા છે. જેમાં પોલીસે 137 લીટર દેશીદારૂ અને ૨૫૦ લીટર કરતાં વધુ દારૂ બનાવવાનો વોશ કર્યો છે.  સાથે સાથે દારૂ ગાળવા માટે વપરાતા સરસામાન પણ કબજે કરી, તમામ દારૂની ભઠ્ઠીઓ તોડી પાડવામાં આવી છે..
 
સરખેજ પોલીસે પકડેલી હિસ્ટ્રીશીટર મહિલા બુટલેગર

1. ભીખીબેન છારા 
2. અનિતાબેન ચુનારા
3. સુનિતા ચુનારા 
4. લહેરાબેન જાડેજા
5. જયાબેન કાવઠીયા 
6. પન્ના ચુનારા
7. ગંગાબેન રાઠોડ  
8. મધુબેન ચુનારા

આ મહિલા બુટલેગર ઘણા વર્ષોથી દારૂનો વેચાણ કરે છે. જે અગાઉ પણ અનેક વખત પકડાઈ ગઈ છે. તેમ છંતા પોલીસ અને કાયદાના ડર વગર બિન્દાસ દારૂનુ વેચાણ કરે છે. આ મહિલાઓના ત્રાસની મળતી ફરિયાદના પગલે પોલીસે સર્ચ ઓપરેસન કરીને તમામને ઝડપી લીધા હતા. સરખેજ પોલીસે મહિલા બુટલેગરની ધરપકડ કરીને લાખોના દારૂનો નાશ કર્યો છે. હાલમા પોલીસે હિસ્ટ્રીશીટર મહિલા બુટલેગરને પાસા કરવાની કાર્યાવહી પણ હાથ ધરી છે.