ગુજરાતમાં દારૂબંધી ખાલી નામની છે. કડી પોલીસનું એક ખતરનાક કારસ્તાન સામે આવ્યું છે. પોલીસની પોલ ખુલી જતા ગાંધીનગર સુધી રેલો પહોંચ્યો છે. પોલીસની હાજરીમાં દારૂ વેચાતો હોવાના તો ઘણા કિસ્સા સામે આવ્યા છે પણ પોલીસ ખુદ દારૂ વેચે એવો આ કદાચ પહેલો કિસ્સો સરેઆમ થયો છે.
લોકડાઉનમાં કડી પોલીસે બુટલેગરો સાથે વેચ્યો દારૂ
પોલીસ સ્ટેશનમાં પકડાયેલા દારૂને પોલીસે વેચી દીધો
ગાંધીનગર સુધી ફરિયાદ થતા IG સહિતના અધિકારીના કડીમાં ધામા
મહેસાણાની કડી પોલીસ સ્ટેશનનું કારસ્તાન સામે આવ્યું છે. લોકડાઉનમાં કડી પોલીસે બુટલેગરો સાથે દારૂનું વેચાણ કર્યું છે. પોલીસ સ્ટેશનમાં પકડાયેલા દારૂને પોલીસે વેચી દીધો છે. પોલીસ સ્ટેશનમાં મુદ્દામાલ તરીકે રાખવામાં આવેલા દારૂને વેચી દીધો છે. જેને લઇને ગાંધીનગર સુધી ફરિયાદ થતા IG સહિતના અધિકારીઓએ કડીમાં ધામા નાખ્યા છે.
SPની ટીમે દારૂના ખાલી ખોખા કેનાલ નજીકથી કબ્જે કર્યા
સમગ્ર મામલે ગાંધીનગર એસપીને તપાસ સોંપવામાં આવી છે. SPની ટીમે દારૂના ખાલી ખોખા કેનાલ નજીકથી કબ્જે કર્યા છે. તપાસને પગલે કડી PI ઓ.એમ.દેસાઇ અને PSI સહિતના અધિકારી ભૂગર્ભમાં ઉતરી ગયા છે. કડી સર્વ વિદ્યાલયની સ્કૂલ બસમાં દારૂ સપ્લાય થતો હતો.