દારૂબંધીની માંગ વચ્ચે રાજસ્થાનની અશોક ગહેલોત સરકારે નવી આબકારી નીતિ જાહેર કરી હતી. અશોક ગેલોતે આ નિર્ણય લેવાની સાથે સાથે ગુજરાત અને બિહાર પર નિશાનો સાધ્યો હતો. અશોક ગહેલોતની આ નીતિને લઈને રાજસ્થાન જનારા લોકો માટે આ વસ્તુ મોંઘી થઈ છે. આ વર્ષથી તેનો અમલ કરવામાં આવશે. જાણો ગહેલોતની આ નીતિમાં શું ફેરફાર થયાં છે.
દારૂની દુકાનની સંખ્યામાં વધારો ન કરવાનો નિર્ણય લેવાયો
રાજસ્થાનમાં હોટલ, બાર લાઈસન્સની ફીમાં પણ વધારો કરાયો
દારૂથી 12.50 હજાર કરોડની આવકનું લક્ષ્ય રાખ્યું
જેમાં રાજસ્થાન સરકારે નાણાંકીય વર્ષ 2020-21માં દારૂથી 12.50 હજાર કરોડની આવકનો લક્ષ્ય રાખ્યો છે. રાજસ્થાન સરકાર દારૂબંધી તો નહીં કરે પરંતુ દારૂનાં દુષ્પ્રભાવોને લઈ લોકોને જાગૃત કરશે. રાજસ્થાનના સીએમ અશોક ગહેલોતનાં સૂચન પર નાણાં વિભાગે આબકારી નીતિમાં આ વખતે દારૂની દુકાનની સંખ્યામાં વધારો ન કરવાની સાથે સાથે હોટલ, બાર લાઈસન્સની ફીમાં પણ વધારો કરાયો છે.
ગેહલોત સરકારે ગુજરાત અને બિહારમાં દારૂબંધીને નિષ્ફળ માની છે
નવી નીતિ અંતર્ગત ફાઈવ સ્ટાર હોટલનાં લાઈસન્સની ફી 15થી વધારી 30 લાખ કરી દેવાઈ છે. જ્યારે 4 સ્ટાર હોટલના લાઈસન્સની ફી 22 લાખ અને 3 સ્ટાર હોટલની લાઈસન્સ ફી 15 લાખ અને 4 સ્ટાર હોટેલની લાઈસન્સ ફી 20થી 22 લાખ નક્કી કરાઈ છે. ત્યારે દુકાનોના લાઈસન્સની પણ ફીમાં વધારો કરાયો છે. નવી નીતિ મુજબ એક એપ્રિલ 2020થી લાઈસન્સ એક વર્ષ માટે હશે. ત્યાર બાદ ફરી લાઈસન્સને રિન્યૂ કરાવવું પડશે. વર્ષમાં 5 ડ્રાઈ-ડે હશે. તેમજ દુકાનોનો સમય પણ સવારે 10 વાગ્યાથી સાંજે 8 વાગ્યા સુધી જ રખાયો છે. ગેહલોત સરકારે ગુજરાત અને બિહારમાં દારૂબંધીને નિષ્ફળ માની છે.
હવે રાજસ્થાન અને ખાસ કરીને આબુ દારુ પાર્ટી માટે જનારા પ્રવાસીઓના ખર્ચમાં વધારો થશે. દારુ પ્રેમીઓને આબુનું બજેટ વધારવું પડશે. ઉલ્લેખનીય છે કે આ અગાઉ ગહેલોત ગુજરાતની દારુબંધીને પગલે વિવાદીત નિવેદન આપી ચૂક્યા છે.