ક્યારે આવશે ભાન? / RMC કચેરીમાં દારૂ પાર્ટી! ખાલી બોટલો અને બાઈટિંગનો સામાન મળ્યો, વીડિયો વાયરલ થતાં હડકંપ

• દારૂની ખાલી બોટલનો વીડિયો થયો વાયરલ
• વીડિયોમાં જોવા મળી દારૂની ખાલી બોટલ
• મનપા ઓફિસના ટોયલેટ બહાર જોવા મળી દારૂની બોટલ
• રાત્રી દરમિયાન દારૂની પાર્ટી થઇ હોવાની આશંકા

ગુજરાતમાં દારૂબંધીની વાતો વચ્ચે રાજકોટથી મોટા સમાચાર સામે આવ્યા છે. વાત જાણે એમ છે કે, રાજકોટ મ્યુનિશિપલ કોર્પોરેશનની વેસ્ટ ઝોન બ્રાન્ચની બહાર દારૂની બોટલ જોવા મળી છે. દારૂની આ ખાલી બોટલનો વિડીયો હાલ સોશિયલ મીડિયામાં વાયરલ થઈ રહ્યો છે. જોકે હવે સવાલ એ ઊભો થાય છે કે, RMC કચેરીમાં દારૂની પાર્ટી કોણે કરી ?  

આપણે અનેકવાર સરકારી કચેરી કે કચેરી બહાર દારૂની મહેફિલના સમાચાર સાંભળ્યા હશે. આવી જ એક ઘટના રાજકોટથી સામે આવી છે. વિગતો મુજબ રાજકોટ મ્યુનિશિપલ કોર્પોરેશનની વેસ્ટ ઝોન બ્રાન્ચની બહારથી દારૂની ખાલી બોટલ મળી આવી છે.

RMC કચેરીમાં દારૂ પાર્ટી! ખાલી બોટલો અને બાઈટિંગનો સામાન મળ્યો, વીડિયો વાયરલ થતાં હડકંપ#RMC #RAJKOT #alcohol ##party #VTVGujarati pic.twitter.com/GiLZIs8Ads

— VTV Gujarati News and Beyond (@VtvGujarati) January 19, 2023

તેના પરથી એક વાત તો ચોક્કસ છે કે, કોઈએ ઓફિસમાં કે આસપાસમાં દારૂની મહેફિલ કરી છે. પણ હજી સુધી આ મામલે કોઈ નક્કર હકીકત સામે નથી આવી. 

સૂત્રોએ જણાવ્યું હતું કે, રાજકોટ મ્યુનિશિપલ કોર્પોરેશનની વેસ્ટ ઝોન બ્રાન્ચની બિલ્ડિંગમાં આવેલા ટોઈલેટની બહારથી ખાલી દારૂની બોટલો મળી આવી છે. તો હવે અહીના જ કોઈ કર્મચારીઓએ આ દારૂની મહેફિલ કરી છે કે કેમ ? તે અંગે પણ અનેક સવાલો ઊભા થઈ રહ્યા છે. જોકે હવે દારૂની બોટલનો વિડીયો વાયરલ થયા બાદ તપાસ શરૂ થઈ શકે છે.