જીગ્નેશ મેવાણીના મત વિસ્તારમાં ખુલ્લેઆમ દારૂનો વેપાર થતો હોય તેવી બાબત સામે આવી છે. વડગામના મેમદપુર ગામમાં ખુલ્લેઆમ દારૂનો વેપાર થઇ રહ્યો છે.
દારૂના ખુલ્લેઆમ વેચાણથી અઢળક લોકો દારૂના બંધાણી બન્યા હોવાની વાત સામે આવી છે. અત્યાર સુધી દારૂના નશાને કારણે અનેક મોત થયા હોવાના આક્ષેપો લોકોએ કર્યા હતાં.
સ્થાનિકોએ તેમના વિસ્તારમાં થતા દારૂના વેપારના વિડીયો VTVને મોકલ્યા છે. ઉલ્લેખનીય છે કે આજે ગાંધીનગરમાં કથિત લઠ્ઠાકાંડ મામલે ધારાસભ્ય અલ્પેશ ઠાકોર જિજ્ઞેશ મેવાણી અને યુવા નેતા હાર્દિક પટેલે જનતા રેડ કરી હતી.
આ ત્રણેય નેતાઓએ ગાંધીનગરમાં આજે ચાલતા દારૂનાં અડ્ડાઓ પર રેડ કરીને દારૂનો જથ્થો પકડ્યો હતો. મહત્વનું છે કે DSP ઓફિસ નજીક જ દારૂનું ધોમ વેચાણ થઈ રહ્યું હતું.
જોકે આ રેડ બાદ સરકાર અને પોલીસની આબરૂનાં ચારે બાજુ લીરેલીરા ઉડી ગયાં છે અને પોલીસની મીઠી નજરે ચાલતા દારૂનાં અડ્ડાનો પણ ભારે પર્દાફાશ થયો છે.