સુરતના માંગરોળમાં સ્થાનિકોએ જનતા રેડ કરી દારૂના અડ્ડાઓ પર તવાઈ બોલાવી હતી, માંગરોળના જૂના ગામ તરસાડીમાં જનતા રેડી દરી દેશી દારૂનો નાશ કરાયો હતો.
સુરતના માંગરોળમાં સ્થાનિકોએ જનતા રેડ કરી દારૂના અડ્ડાઓ પર તવાઈ બોલાવી હતી, માંગરોળના જૂના ગામ તરસાડીમાં જનતા રેડી દરી દેશી દારૂનો નાશ કરાયો હતો.
દારૂના અડ્ડાઓ પર તવાઈ બોલાવી
મહત્વનું છે કે પોલીસ સ્ટેશનની હદ વિસ્તારમાં જ ખુલ્લેઆમ દેશી અને વિદેશી દારૂનો વેપલો કરવામાં આવતો હતો જ્યારે સ્થાનિકોએ દારૂનો આ વ્યાપાર પોલીસની રહેમ નજર હેઠળ કરવામાં આવતી હોવાનું જણાવ્યું હતું અને જાતે જ જનતા રેડ કરી દારૂનો નાશ કર્યો હતો. સ્થાનિકોએ આક્ષેપ કરતા જણાવ્યું કે સમગ્ર મામલે પોલીસ પણ આંખ આડા કાન કરે છે આવી દારૂની હાટડીઓ ચલાવનાર લોકો નીચાથી લઈને ઉચ્ચ અધિકારીઓ સુધી હપ્તો પહોંતો હોવાનો સ્થાનિકોએ આક્ષેપ કર્યો હતો.
સ્થાનિકોએ દારૂના અડ્ડા પર રેડ પાડી
તરસાડી જૂના ગામ રાઠોડ ફળિયાની પાછળ નીરુબહેન ઉર્ફે ગુડ્ડીબહેન રાઠોડ ખુલ્લેઆમ દેશી દારૂ બનાવવા માટે યુરિયાનો ઉપયોગ કરી હલકી ગુણવત્તાના દારૂનું વિતરણ કરતી હોવાનું સામે આવતા તરસાડી નગરના જાગૃત નાગરિકો અને વોર્ડ નં 6ના નગર સેવકો સાથે મળીને દારૂના અડ્ડા પર રેડ પાડી હતી દારૂ ગાળવાની ભઠ્ઠી ઉપર રેડ કરી દેશી દારૂ-વિદેશી દારૂનો નાશ કરવામાં આવ્યો હતો માંગરોળ તાલુકાના જૂના ગામ તરસાડીમાં જનતા રેડ કરી દેશી દારૂના બોરાણનો નાશ કરાયો હતો.
પોલીસ હદ વિસ્તારમાં જ દારૂનું વેચાણ
કોસંબા પોલીસ સ્ટેશન હદ વિસ્તારમાં તરસાડી કોસંબા તેમજ નાનાકડા ગામોમાં ખુલ્લેઆમ દેશી અને વિદેશી દારૂનો પોલીસની રહેમરાહ હેઠળ વેપલો ચાલે છે. કોસંબાના પીઆઈ પણ તે બાબતે આંખ આડા કાન કરતાં હોવાનું સ્પષ્ટ દેખાઈ આવે છે. પોલીસ સ્ટેશન વિસ્તારમાં મળતો દેશી દારૂ પીનાર માટે હાનીકારક હોય. દેશી દારૂ પિતા નીચલા વર્ગના લોકો દારૂને કારણે વહેલા મોતને ભેટે છે. ઘણીવાર દેશી દારૂની આડમાં લઠ્ઠાકાંડ પણ સર્જાય જતો હોય છે.
દેશી અને વિદેશી દારૂનો નાશ કરાયો
શનિવારના રોજ તરસાડી જૂના ગામ રાઠોડ ફળિયાની પાછળ નીરુબહેન ઉર્ફે ગુડ્ડીબહેન રાઠોડ ખુલ્લેઆમ દેશી દારૂ બનાવવા માટે યુરિયાનો ઉપયોગ કરી હલકી ગુણવત્તાના દારૂનું વિતરણ કરતી હોવાનું તરસાડી નગરના જાગૃત નાગરિકો અને વોર્ડ નં 6ના નગરસેવકોને બાતમી મળી હતી. જેથી જૂના ગામ રાઠોડ ફળિયાની પાછળ નીરૂબહેનની દારૂ ગાળવાની ભઠ્ઠી ઉપર રેડ કરી હતી. જ્યાં પીપળામાં મોટા પ્રમાણમાં દારૂ ગાળવા માટેનું બોરાણ જમીનમાં દાટેલી હાલતમાં મળી આવ્યો હતો.
પોલીસે મહિલા બુટલેગરની કરી ધરપકડ
અંગેની જાણ કોસંબા પોલીસને કરવામાં આવતાં અત્યાર સુધી ઉંઘતી ઝડપાયેલી કોસંબા પોલીસ તાત્કાલિક ઘટના સ્થળે દોડી આવી હતી, અને પાંચ જેટલા રસાયણ યુક્ત દેશી દારૂના વોસનો નાશ કર્યો હતો. અને મહિલા બુટલેગર નીરુબહેનની ધરપકડ કરી હતી.
પોલીસને ખબર નથી દારૂના અડ્ડા ક્યાં છે
સુરતના તરસાડીમાં દેશી દારૂના અડ્ડા પર જનતા રેડ કરાઇ. તરસાડી નપાના વોર્ડ નં-6માં દારૂની ભઠ્ઠી પર જાગૃત યુવાન અને કોર્પોરેટરે ગઈ કાલે સાંજે રેડ કરી હતી રેડ દરમિયાન 5 બેરલ દેશી દારૂ મળ્યો આવ્યો જેનો નાશ કરાવમા આવ્યો હતો ત્યારે પોલીસે ઘટના સ્થળે પહોંચી અને દેશી દારૂનો નાશ કરી ની ધરપકડ કરી હતી ત્યારે સવાલો ઉઠી રહ્યા છે કે સુરત કેમ બની રહ્યું છે દારૂનું હબ?. શું જનતાએ પોલીસનું કામ કરવું પડશે?. લોકો રેડ કરશે તો પોલીસ શું કરશે ? કોને ખબર છે દારૂના અડ્ડા ક્યાં છે તો પોલીસને નથી ખબર ત્યારે પોલીસની કામગીરી અને પોલીસની રહેમ નરજ પર સવાલ થાય છે.