દારુબંધી / 31ની ન્યૂ યર પાર્ટી માટે જાણો ક્યાંથી કેટલો દારુ લવાયો હતો, પોલીસને માહિતી મળ્યાં બાદ કર્યું એવું કે....

• રાજસ્થાનથી અમદાવાદ દારૂની હેરાફેરી કરતા 4 શખ્સોની ધરપકડ
• કારમાં ચોરખાનામાં છુપાવી દારૂની હેરાફેરી કરવામાં આવતી હતી
• પોલીસે દારૂ સહિત 2 લાખનો મુદ્દામાલ જપ્ત કર્યો છે.

ન્યૂ યર પાર્ટીને લીધે આવ્યો હતો દારુનો જથ્થો

રાજ્યમાં દારૂબંધીની મોટી મોટી વોતો કરવામાં આવી રહી છે. ત્યારે આ વાતો અમદાવાદમાં પોકળ સાબિત થઈ છે. અમદાવાદના રામોલમાંથી દારૂ ઝપડાયો છે. 
31 ડિસેમ્બર પહેલાં જ દારુ સહિત 2 લાખનો મુદ્દામાલ ઝડપાયો છે. 

અગાઉ કેટલો જથ્થો આવ્યો હતો હજું કેટલો આવવાનો છે?

રાજસ્થાનથી અમદાવાદ કારમાં ચોરખાનામાં છુપાવી દારૂની હેરાફેરી કરવામાં આવતી હતી. પોલીસની બાતના આધારે વોચ ગોઠવીને તપાસ હાથ ધરી હતી. જેમાં પોલીસને સફળતા મળી હતી.  દારુનાં જથ્થા સાથે પોલીસે દારૂની હેરાફેરી કરતાં 4 શખ્સોને ઝડપી પાડ્યાં હતાં. પોલીસે આ ચારેય બુલટેગર સામે ગુનો નોંધીને આગળની કાર્યવાહી હાથ ધરી છે. પોલીસ તપાસ કરી રહી છે કે આ દારુ કેટલા સમયથી લાવવામાં આવી રહ્યો હતો. આ જથ્થા સિવાય અગાઉ કેટલો જથ્થો લવાયો છે તેમજ  કેટલો અન્ય જથ્થો આવવાનો છે. આ ઉપરાંત આ માલ કોણે મંગાવ્યો હતો અને કોનાં દ્વારા મોકલવામાં આવ્યો છે. તેમજ કોણ કોણ લોકો આ દારુની હેરાફેરી સાથે સંકળાયેલા છે. ઉલ્લેખનીય છે કે 31 ડિસેમ્બરની પાર્ટીને ધ્યાનમાં રાખીને પોલીસ દ્વારા શહેરની સુરક્ષાને મજબૂત કરવામાં આવી છે.