દારૂબંધી? / VIDEO : સુરતમાં પોલીસની નાક નીચે દારૂની રેલમછેલ

• સુરતમાં પોલીસના નાક નીચે જ ચાલે છે દારૂનો અડ્ડો
• અમરોલી વિસ્તારમાં દારૂની રેલમછેલ
• 2 અલગ અલગ દારૂના અડ્ડાનો વીડિયો વાયરલ

રાજ્યમાં ભલે કડક દારૂબંધી હોય પણ દારૂની રેલમછેલ તો ચાલે જ છે. સુરતના અમરોલી વિસ્તારનો એક વીડિયો વાયરલ થયો છે. જેમાં દારૂના બે અડ્ડા દેખાઈ રહ્યા છે. જ્યાં ખુલ્લેઆમ દેશી દારૂનું વેચાણ ચાલી રહ્યું છે. આ દારૂના અડ્ડા અમરોલી પોલીસ સ્ટેશનની પાછળ જ હોવાનું પણ સામે આવ્યું છે. ત્યારે સવાલ એ છે કે શું અમરોલી પોલીસના નાક નીચે આ દારૂના અડ્ડા ચાલી રહ્યા છે? શું પોલીસ આ દારૂના અડ્ડા અંગે અજાણ છે? અને જો પોલીસ જાણતી હોય તો પછી કાર્યવાહી માટે કેમ રાહ જોઈ રહી છે? ક્યાંક પોલીસ સુધી દારૂના અડ્ડાથી હપ્તા તો નથી જતા ને? સવાલો તો અનેક થઈ રહ્યા છે. પણ પોલીસના પેટનું પાણી હલે તેમ નથી લાગતું. ખુદ દારૂ પીનાર વ્યક્તિએ જ દારૂના અડ્ડાનો વીડિયો વાયરલ કર્યો છે. ત્યારે પોલીસની કાર્યવાહી પર પણ સવાલો ઉભા થઈ રહ્યા છે. 

સળગતા સવાલ
દારૂના અડ્ડાથી શું અમરોલી પોલીસ અજાણ છે?
શું દારૂના અડ્ડાથી પોલીસ સ્ટેશનમાં હપ્તા જાય છે?
પોલીસના નાક નીચે કેમ ચાલી રહ્યા છે દારૂના અડ્ડા?
પોલીસ સ્ટેશનની પાછળ જ દારૂનો અડ્ડો છે તો પોલીસ અજાણ કેમ?
દારૂ પીનારા વ્યક્તિએ જ વીડિયો વાયરલ કર્યો
શું પોલીસને હજુ સુધી આ વીડિયો નથી મળ્યો?
વીડિયો મળ્યો હોય તો પોલીસ કાર્યવાહી માટે કેમ રાહ જોઈ રહી છે?