લો બોલો! / ભાવનગર : દારૂબંધી? એ તો ખાલી નામની જ, બાકી સરકારી કર્મીઓ કચેરીમાંજ કરે છે પાર્ટી

• કસ્ટમ કચેરીના કર્મી દારૂની મહેફિલ માણતા ઝડપાયા
• 3 કર્મી દારૂ પીધેલી હાલતમાં ઝડપાયા
• કસ્ટમ ઓફિસની અંદર માણી રહ્યા હતા મહેફિલ

ગુજરાતમાં દારૂબંધી છે પણ એ ખાલી નામની જ છે. અમુક લોકોને લાગુ પડે છે તેવો ઘાટ ઘડાયો છે. જ્યારે સરકારી કર્મચારી જ મદિરાપાન કરે તો? ગાંધીના ગુજરાતને ડ્રાય સ્ટેટ ગણવામાં આવે છે પણ ભાવનગરમાં કસ્ટમ ઓફિસની અંદર જ મદીરાની મહેફિલ ચાલી રહી હોવાની ઘટના સામે આવી છે. ભાવનગર કસ્ટમ કચેરીના 3 કર્મચારીઓ દારૂની મહેફિલ માણતા રંગે હાથ ઝડપાઈ ગયા હતા. 

કોણ કોણ હતુ આ પાર્ટીમાં સામેલ

કચેરીની અંદર કસ્ટમ સુપ્રિન્ટેન્ડન્ટ નિશાંત ભટ્ટ પોતાના બે સહકર્મીઓ સાથે દારૂની પાર્ટીમાં મશગૂલ હતા. જેમાં ઈશ્વરભાઈ અને બલરામ નામના બે સાથી કર્મીઓ પણ ઝડપાયા છે. ત્રણેયને દારૂ પીધેલી હાલતમાં એ-ડિવિઝન પોલીસે ઝડપી પાડ્યા છે. 

સળગતા સવાલ

• સરકારી કચેરીમાં દારૂની પાર્ટી કેટલી હદે યોગ્ય?
• ગુજરાતમાં દારૂબંધી છે તે શું આ કર્મીઓને ખ્યાલ નથી?
• પ્રજા કરે તો દંડ હવે ખુદ સરકારી કર્મી કરે તો?
• સરકારી કચેરીમાં દારૂ આવ્યો ક્યાંથી?