રાજકારણ / ગાંધીનગરની 5-સ્ટાર હૉટલમાં મળશે દારૂ? પ્રદીપસિંહે જુઓ શું આપ્યો જવાબ

• કોંગ્રેસ નેતા પરેશ ધાનાણીના સરકાર સામે પ્રહાર
• ગાંધીનગરની હોટલમાં દારૂની પરવાનગી મામલે પ્રહાર 
• દારૂની પરવાનગી આપવામાં નથી આવી તેવું ગૃહરાજ્યમંત્રીનું કહેવું 

""દવા આપો, દારૂ નહી""

સાહેબ,
અમને 'દવા' જીવાડશે કે 'દારૂ'.?

ગાંધી અને સરદારના ગુજરાતને
"દારૂ" મળે એવી "હોટલ" નહી.,

"દવા" મળે એવી "હોસ્પિટલ"ની
જરૂર છે..!
#સરકારની_લીલા pic.twitter.com/pqK413lMSf

— Paresh Dhanani (@paresh_dhanani) July 16, 2021

કોંગ્રેસ નેતા પરેશ ધાનાણી દ્વારા ટ્વીટર પર ટ્વીટ કરીને ફરી એક વખત રૂપાણી સરકાર પર પ્રહાર કરવામાં આવ્યા છે. ગાંધીનગરની લીલા હોટેલમાં દારૂની પરિવાનગી મામલે તેમણે એવું કહ્યું કે સરકાર યુવાઓને નશામાં ધકેલીને નિષ્ફળતા છૂપાવી રહી છે. સાથેજ તેમણે એવું પણ કહ્યું કે ગુજરાતમાં દારૂની રેલમછેલ થતી હોય છે. 

રાજ્યગૃહમંત્રીએ આપી પ્રતિક્રિયા 

જોકે આ મામલે રાજ્યગૃહમંત્રી પ્રદીપસિંહ જાડેજા દ્વારા એવું નિવેદન આપવામાં આવ્યું છે કે ગાંધીનગરની લીલા હોટલમાં દારૂની પરવાનગી આપવામાં નથી આવી. કે ન તો હોટલે દારૂ વેચવાની પરમીશન માગી છે. 

દવા ઉપલબ્ધ કરાવાની માગ 

વધુંમાં પરેશ ધાનાણીએ એવું પણ કહ્યું કે હાલ કોરોનાની સ્થિતીમાં લોકો દવાની ઉપલબ્ઘ કરવામાં આવે તેવી માગ કરી રહ્યા છે. પરંતુ સરકાર દારૂની પરમિશન આફી રહી છે. સમગ્ર મામલે તેમણે એવું પણ કહ્યું કે સરકારના લીલા ભવિષ્યમાં દારૂની દુકાનો પણ બનશે. 

મુખ્યમંત્રીને વિનંતી 

સમગ્ર મામલે કોંગ્રેસ નેતા પરેશ ધાનાણી દ્વારા મુખ્યમંત્રીને વિનંતી કરવામાં આવી છે, કે રાજ્યમાં દવા અને હોસ્પિટલોની વ્યવસ્થા લોકોને પૂરી પાડવામાં આવે. કારણકે લોકોને દારૂની નહી પણ દવાની જરૂર છે. કોરોનાની બીજી લહેરમાં રાજ્યમાં દવાની ઘણી અછત સર્જાઈ હતી. જેને અનુલક્ષીને પરેશ ધાનાણીએ સરકાર પર ગંભીર પ્રહારો કર્યા હતા. 

સરકાર સંચાલિત હોટલોમાં દારૂ 

સાથેજ તેમણે સરકાર સામે એવા પણ આક્ષેપો કર્યા કે સરકાર સંચાલિત હોટલમાં દારૂની પેરવીઓ ચાલી રહી છે. ઉલ્લેખનીય છે કે રાજ્યમાં હાલ 2022ની ચૂંટણીને લઈને અત્યારથી દરેક પાર્ટી દ્વારા તૈયારીઓ શરૂ કરી દેવામાં આવી છે. જેમા કોંગ્રેસ દ્વારા અવાર નવાર ભાજપ સરકાર સામે પ્રહાર કરવામાં આવી રહ્યા છે.