કડવી વાસ્તવિકતા / ગાંધીના ગુજરાતમાં પીવાય છે એટલો દારૂ કે આંકડો વાંચીને લથડિયાં ખાઈ જશો 

તાજેતરમાં રાજ્યસભામાં એક ચોંકાવનારો રિપોર્ટ રજૂ કરવામાં આવ્યો હતો જેમાં ભારતના રાજ્યોમાં કેટલા પ્રમાણમાં દારૂ પીવાઇ રહ્યો છે તેના આંકડા રજૂ કરવામાં આવ્યા હતાં. 

કેટલા ગુજરાતીઓ પીવે છે દારૂ?
સામાજિક અધિકારિતા અને સશક્તિકરણ મંત્રાલય દ્વારા રાજ્યસભામાં રજૂ કરવામાં આવેલા આંકડાઓ પરેશાન કરી મૂકે એવા છે.  આ ડેટા નારાયણસ્વામી દ્વારા રાજ્યસભામાં રજૂ કરવામાં આવેલ આંકડાઓ પર આધારિત છે. આ ડેટા એઇમ્સ દ્વારા 2019 માં નેશનલ ડ્રગ યુઝ સર્વેમાં એકઠો કરવામાં આવ્યો હતો. 

રાજસ્થાન કે બિહાર કરતાં પણ ગુજરાત આગળ 
-આ ડેટા મુજબ ગુજરાતમાં 4.3% લોકો આલ્કોહોલ ડીપેન્ડન્ટ છે એટલે કે આ લોકો  નિયમિત રીતે દારૂનું સેવન કરે છે અને તેને આધારિત છે. આમાં ક્યારેક ક્યારેક દારૂનું સેવન કરતાં લોકોનો સમાવેશ થતો નથી. વસ્તીના 4.3% લોકો એટલે 19.53 લાખ લોકો એડિક્ટ છે. 
આ આંકડો જ્યાં દારૂ પીવાની કાયદાકીય છૂટ છે એવા રાજ્યો કરતાં પણ વધારે છે. 
- રાજસ્થાનમાં 2.3% લોકો દારૂનું વ્યસન ધરાવે છે
- બિહારમાં 1% લોકો દારૂનું વ્યસન ધરાવે છે. 
- તો જમ્મુ કશ્મીરમાં 4% જેટલો દારૂ પીવાય છે.  

જો કે સમગ્ર દેશની સરેરાશ કાઢવામાં આવે તો એ 17% જેટલી થાય છે. 

36.5 લાખ લોકો દારૂ કે ડ્રગ્સના બંધાણી
આ સર્વેમાં કરવામાં આવેલા ચોંકાવનારા દાવાઓમાં એક દાવો એ પણ છે કે ગુજરાતમાં 8% લોકો ડ્રગ્સ અને દારૂના બંધાણી છે. એટલે કે 36.5 લાખ લોકો આ પ્રકારના નશાઓ પર આધારિત થઈ ગયા છે.  

આમાં માવા(મસાલા) ના બંધાણીઓનો સમાવેશ થતો નથી.
આમાં સર્વેમાં જો કે તંબાકુનો સમાવેશ કરવામાં નથી આવ્યો. નહીં તો આપણો "માવો" તો બધા રેકોર્ડ્સ તોડી નાખે! એટલે કે આ 8% લોકો માત્ર દારૂ કે ચરસ-ગાંજા કે અફીણ પર જ આધારિત છે. 

- ઓપોઇડ્સ એટલે કે અફીણ અને તેને લગતી બનાવટો પર આધારિત લોકોની સંખ્યા- 1.46% એટલે કે 6.64 લાખ છે.
- ગાંજા કે ચરસના બંધાણીઓ-  ૦.8% એટલે કે 3.64 લાખ  
- ઊંઘની ગોળીઓ કે સિડેટિવ્ઝ પર આધારિત લોકોની સંખ્યા - 6.28 લાખ એટલે કે વસ્તીના 1.38% લોકો જેટલી છે.