મહામારી / BIG NEWS : દ. આફ્રિકાથી ભારત આવેલા 2 યાત્રીઓ કોરોના પોઝિટિવ મળતા ખળભળાટ, ઓમિક્રોન વૅરિયન્ટ તપાસ શરૂ

• ભારતમાં કોરોનાના નવા વેરિયન્ટ ઓમિક્રોનની એન્ટ્રીની સંભાવના
• બેંગ્લુરુ એરપોર્ટ પર  આફ્રિકાથી આવેલા બે લોકો નીકળ્યા કોરોના પોઝિટીવ 
• 94 લોકો સાઉથ આફ્રિકામાંથી બેંગ્લુરુ આવ્યાં 
• દેશમાં હડકંપ,  બન્ને દર્દીઓની ઓમિક્રોનની તપાસ શરુ કરાઈ

બેંગ્લુરુ એરપોર્ટ પર સાઉથ આફ્રિકાથી આવેલા બે લોકો કોરોના પોઝિટીવ 
બેંગ્લુરુ રૃરલ ડિસ્ટ્રીક્ટ કલેક્ટરે જણાવ્યું કે બેંગ્લુરુ એરપોર્ટ પર સાઉથ આફ્રિકાના બે નાગરિકો કોરોના પોઝિટીવ નીકળ્યાં છે. કર્ણાટકના મંત્રી આર અશોકાએ જણાવ્યું કે સાઉથ આફ્રિકામાંથી આજે 1000 લોકો બેંગ્લુરુ આવ્યાં છે જેમના તમામના ટેસ્ટ કરાયા હતા અને તેમાંથી બે પોઝિટીવ નીકળ્યાં છે.

More than 1000 people have come from South Africa. All of them have been tested. One more test will be done after 10 days for those who have already come to Bengaluru or somewhere: Karnataka Minister R Ashoka#Omicron pic.twitter.com/s1KeA0c9iy

— ANI (@ANI) November 27, 2021

સાઉથ આફ્રિકામાંથી આવેલા 94 લોકોમાંથી 2 નાગરિકો કોરોના પોઝિટીવ નીકળ્યાં 

કલેક્ટરે કહ્યું કે સાઉથ આફ્રિકામાંથી આવેલા 94 લોકોમાંથી 2 નાગરિકો કોરોના પોઝિટીવ નીકળ્યાં છે. સંક્રમિત વ્યક્તિઓને ક્વોરન્ટાઈન કરી દેવાયા છે અને તેમના સેમ્પલ જિનોમ સિકવન્સિંગ માટે મોકલી આપવામાં આવ્યાં છે. 

Bengaluru: Karnataka CM Basavaraj Bommai held an emergency meeting today over the new #COVID19 variant #Omicron. Other ministers, including state Health Minister Dr K Sudhakar, officials of state Health Department & other departments attended the meeting.

(Source: CMO) pic.twitter.com/gXxOJg5tAW

— ANI (@ANI) November 27, 2021

બન્ને દર્દીઓની ઓમિક્રોનની તપાસ શરુ કરી દેવાઈ

સાઉથ આફ્રિકાથી આવેલા બે લોકો કોરોના પોઝિટીવ નીકળતા દેશમાં હડકંપ મચ્યો છે. આ બન્ને દર્દીઓની ઓમિક્રોનની તપાસ શરુ કરી દેવાઈ છે. તેમના સેમ્પલો પણ લેબોરેટરીમાં મોકલી આપવામાં આવ્યાં છે. બન્ને દર્દીઓ ઓમિક્રોનથી સંક્રમિત થયા હોવાની સંભાવના છે. 

સાઉથ આફ્રિકાથી ફેલાયો છે ઓમિક્રોન વેરિયન્ટ, દુનિયામાં હડકંપ

કોરોનાના નવા વેરિયન્ટથી દુનિયામાં ખળભળાટ મચ્યો છે. વર્લ્ડ હેલ્થ ઓર્ગેનાઇઝેશને આ વેરિએન્ટને ઓમિક્રોન નામ આપ્યું છે. વૈજ્ઞાનિકોનું કહેવું છે કે આ વેરિયન્ટ ઝડપથી તેનું રુપ બદલી રહ્યો છે અને તે કોરોનાના ડેલ્ટા, ડેલ્ટા પ્લસ અને બાકીના પ્રકારોથી જોખમી છે.  કોરોનાની બીજી લહેરમાંથી શીખીને ભારત સરકાર પણ સતર્ક બની ગઈ છે અને એક એડવાઈઝરી જારી કરી છે. 

શું આ વેરિયન્ટ ખતરનાક છે 
આ વેરિએન્ટ 30 વખત મ્યુટેટ થયેલો છે. તે આલ્ફા, બીટા અને ડેલ્ટા વેરિએન્ટ્સની તુલનામાં દર્દીઓને ખતરનાક રીતે પોતાની પકડમાં રાખે છે. 

ભારત સરકાર શું કરી રહી છે?

કોરોનાના નવા વેરિયન્ટને પગલે ભારત સરકાર પણ સતર્ક બની છે. કેન્દ્ર સરકારે તમામ રાજ્યોએ લેટર લખીને વિદેશથી આવતા તમામ મુસાફરોના જીનામ સિક્વન્સર માટે રાજ્યોને કોવિડ ટેસ્ટ કરવાનું કહ્યું છે.  કેન્દ્ર સરકારે જોખમ યાદી ધરાવતા દેશોની સૂચિ તૈયાર કરી છે અને ત્યાંથી આવતા મુસાફરો પર બારીકાઈથી નજર રાખવામાં આવી રહી છે. આ દેશો યુકે, દક્ષિણ આફ્રિકા, બ્રાઝિલ, બાંગ્લાદેશ, બોત્સ્વાના, ચીન, મોરેશિયસ, ન્યૂઝીલેન્ડ, ઝિમ્બાબ્વે, હોંગકોંગ અને ઇઝરાયલ છે. જે લોકો આ દેશોમાંથી ભારત આવે છે તેમણે ૧૪ દિવસ સુધી ક્વોરેન્ટાઇન રહેવું પડશે અને રવાના થવાના ૪૮ કલાક પહેલા કોવિડ ટેસ્ટ રિપોર્ટ સબમિટ કરવો પડશે.

ભારતમાં હજુ નવા વેરિયન્ટનો કોઈ કેસ નહીં 

અધિકારીઓનું કહેવું છે કે ભારતમાં હજી સુધી ઓમિક્રોન વેરિયન્ટનો કોઈ કેસ નોંધાયો નથી પરંતુ અત્યારથી સાવચેતી રાખવી સારી છે. નિષ્ણાતો કહે છે કે ડેલ્ટા વેરિએન્ટ્સ કરતા ઓમિક્રોન કેટલો જોખમી છે તે માટે વધારે રિસર્ચની જરુર છે. ઓમિક્રોન વેક્સિનને બેઅસર કરી શકે છે તેવા હજુ સુધી કોઈ પુરાવા મળ્યાં નથી. 

નવા વેરિએન્ટના કેટલા કેસ મળ્યા?
દક્ષિણ આફ્રિકા, બોત્સ્વાના અને હોંગકોંગ, ઇઝરાયલ અને બેલ્જિયમમાં  ઓમિક્રોન વેરિયન્ટના કેસ મળી આવ્યા છે.

શું તેની સામે વેક્સિન અસરકારક છે?
ઓમિક્રોન સામે વેક્સિન કેટલી અસરકારક છે તે હજુ સુધી અસ્પસ્ટ છે. ફાઇઝર-બાયોટેકએ કહ્યું છે કે તે આગામી બે અઠવાડિયામાં આ પ્રશ્નનો જવાબ આપી શકશે.