ઑટો અને ઍરોસ્પેસ ઇન્ડસ્ટ્રીમાં ધૂમ મચાવ્યા બાદ દુનિયાના સૌથી ધનિક માણસ એલન મસ્કની નજર હવે ટેલિકોમ કંપની તરફ છે.
એલન મસ્કની નજર અંબાણીના બિઝનેસ પર
ભારતમાં લૉન્ચ કરવાના છે આ ટેક્નોલોજી
ટેલિકોમ કંપની પર એલનની નજર
તેમની સ્પેસ એક્સપ્લોરેશન ટેક્નોલોજી કોર્પોરેશને ઇન્ટરનેટ સર્વિસ માટે 1000થી પણ વધારે સેટેલાઇટ છોડ્યા છે. ભારત અને ચીનમાં ડિમાન્ડ અને રુરલ કસ્ટમર છે. આ બજાર એક ટ્રિલિયન ડૉલરનું છે.
કેટલાક મહિનાથી સ્પેસએક્સ પોતાના ફાલ્કન9 રોકેટ લોન્ચ કરવાની તૈયારીમાં છે. એક વારમાં 60 સેટેલાઇટ મોકલી રહ્યું છે. ઓર્બિટમાં 960 સેટેલાઇટ એક્ટિવ છે. તેનાથી સ્પેસએક્સ નોર્થ અમેરિકી અને બ્રિટનમાં મોટા પાયે સર્વિસ શરૂ કરવાની તૈયારીમાં છે. આ વિશે સ્પેસેક્સે કોઇ પ્રતિક્રિયા આપી નથી.
સસ્તી સેવા
એરોસ્પેસ અને ડિફેન્સ ઇન્ડસ્ટ્રી પર નજર રાખનારી કંપની Alvaraez & Marsalના એમડીએ કહ્યું કે, લોકો કંપની સર્વિસથી ખુશ છે. સ્ટારલિંક લોકોને સસ્તામાં સેવા આપી રહી છે. ગયા વર્ષે ટેસ્લાઇંકને બજારે હાથોહાથ લીધા હતા અને કંપનીના શેરમાં ઉછાળો આવ્યો હતો.
સ્ટારલિંક જો ભારતમાં એન્ટ્રી કરશે તો અહીં તે મુકેશ અંબાણીની જીઓ સાથે રેસમાં ઉતરશે. જીઓ હાલમાં 5જી લૉન્ચ કરવા જઇ રહ્યું છે પરંતુ જો સ્ટારલિંક ભારતમાં આવશે તો ખરાખરીનો જંગ જામશે. રિલાયન્સ જીઓ 4જી ભારતીય ઇન્ટરનેટ ક્ષેત્રમાં ગેમ ચેન્જર સાબિત થયુ છે. ભારતમાં 65 કરોડ ઇન્ટરનેટ યુઝર્સ છે જો 12જીબી ડૅટા મહિને ઓછામાં ઓછો યુઝ કરે છે.