છટણી  / એલન મસ્ક હજુ તો ધુરા સંભાળે એ પહેલા જ ટ્વિટરમાં હડકંપ, 100 કર્મચારીઓને કાઢી મુકાયા

• કંપનીએ પોતાના 100 કર્મચારીઓને કાઢી મુક્યા 
• ટેલેન્ટ એકયુઝિશન ટીમના 30 કર્મચારીઓને કાઢી મૂક્યા
• એલન મસ્કે કહ્યું, ટ્વિટરે સ્વસ્થ થવાની જરુર 

એલન મસ્ક હજુ તો ટ્વિટરની ધુરા સંભાળે એ પહેલા જ કંપનીએ પોતાના 100 કર્મચારીઓને કાઢી મુકયા હોવાના સમાચાર સામે આવ્યા છે. જોકે એલન મસ્કે ટ્વિટર ખરીદવાની જાહેરાત કરી તે પછી કંપનીના કર્મચારીઓનું ભવિષ્ય અધ્ધરતાલ જ હતું. મીડિયા રિપોર્ટ મુજબ માઇક્રોબ્લોઇન્ગ સાઇટે પોતાના ટેલેન્ટ એકયુઝિશન ટીમના 30 કર્મચારીઓને કાઢી મૂક્યા છે.

આ કર્મચારીઓની હકાલપટ્ટી 

આ કર્મચારીઓમાં એ લોકો પણ સામેલ છે જેમનું કામ નવા કર્મચારીઓની ભરતી અને નવા લોકોને બોર્ડમાં લાવવાનું હતું. આ સાથે હવે ટ્વિટરે એ વાતનું પુષ્ટિ કરી લીધી છે કે, કંપનીએ 100 કર્મચારીઓને નોકરીમાંથી કાઢી મૂક્યા છે. 

વોલ સ્ટ્રીટ જનરલે પોતાની રિપોર્ટમાં કહ્યું છે કે, ટ્વિટરએ ટેલેન્ટ એકયુઝિશન ટીમના લોકોને નોકરીથી કાઢી મૂક્યા છે. જેના કારણે 100 જેટલા કર્મચારીઓએ પોતાની નોકરી ખોવાનો વારો આવ્યો છે. જોકે કર્મચારીઓને એવા સમયે કાઢી મુકવામાં આવ્યા છે જ્યારે એલન મસ્કે કહ્યું હતું કે, ટ્વિટરે સ્વસ્થ થવાની જરુંર છે. 

જૂન મહિનાની મિટિંગમાં શુ કહ્યું હતું એલન મસ્કે ? 

અન્ય એક રિપોર્ટમાં વોલ સ્ટ્રીટે આ વાતની પુષ્ટિ કરી છે કે, ટ્વિટરનો સોદો ગંભીર ખતરામાં પડ્યો છે. જોકે માનવામાં આવી રહ્યું છે કે, એલન મસ્કની ટીમ દ્વારા જલ્દી જ બદલાવને લઈને નિવેદન જાહેર કરવામાં આવી શકે છે. એલન મસ્કે કંપનીના કર્મચારીઓ સાથે જૂન મહિનામાં મિટિંગ કરી હતી. જેમઆ તેમણે જણાવ્યુ હતું કે, કંપનીએ આર્થિક રીતે સ્વસ્થ થવાની જરૂર છે.