બોલિવૂડ એક્ટર અક્ષય કુમાર અત્યારે તેની કારકિર્દીની ટોચ પર છે. છેલ્લા ઘણાં સમયથી તેની દરેક ફિલ્મ બોક્સ ઓફિસ પર સફળ થઈ રહી છે. સાથે જ તે કરોડોનો માલિક છે. ખિલાડી કુમારના નામથી ઓળખાતો અક્ષય આજે જે જૂહુના બંગલામાં રહી રહ્યો છે તે એ જ બંગલો છે જેમાંથી 33 વર્ષ પહેલાં તેને ભગાડ્યો હતો.
જે બંગલામાંથી અક્ષયને ભગાડ્યો હતો એ જ ખરીદ્યો
ખિલાડી કુમાર અત્યારે કરોડોનો માલિક
તેની દરેક ફિલ્મ બોક્સ ઓફિસ પર સફળ થઈ રહી છે
હકીકતમાં, 33 વર્ષ પહેલાં અક્ષય કુમાર સ્ટ્રગલ કરી રહ્યો હતો અને તેને ઓડિશન માટે એક પોર્ટફોલિયોની જરૂર હતી. તેણે એ સમયના પ્રખ્યાત ફોટોગ્રાફર જયેશ શેઠથી પોતાનો પોર્ટફોલિયો બનાવાની વાત કરી હતી, પરંતુ અક્ષય પાસે એ સમયે જયેશને આપવા માટે પૈસા નહોતા. જેથી અક્ષયે જયેશને રિક્વેસ્ટ કરી કે એ તેને આસિસ્ટન્ટ રાખી લે અને તેના બદલે જે કંઈ પૈસા એ અક્ષયેને આપશે તેના બદલે તેનો પોર્ટફોલિયો બનાવી દે. જયેશ આ વાત માની ગયો.
પછી અક્ષય જયેશ શેઠને અસિસ્ટ કરવા લાગ્યો. અક્ષયના પોર્ટફોલિયોના શૂટ માટે તેણે જૂહુનો એક બંગલો પસંદ કર્યો. બંને ફોટોશૂટ માટે બંગલાની પાસે પહોંચ્યા અને ફોટોશૂટ કરવા લાગ્યા. એટલામાં એક ફોટા માટે અક્ષય બંગલાની દીવાલ પર જઈને બેસી ગયો. એ બંગલાના વોચમેને તેને દીવાલ પર ચઢતા જોઈ લીધો. વોચમેન એ જ સમયે ત્યાં આવી ગયો અને બંનેને ત્યાંથી ભગાડી દીધા. પછી અક્ષય અને જયેશ ત્યાંથી જતા રહ્યા.
વોચમેને અક્ષયને પોલીસની ધમકી આપી હતી
આ વિશે પૂછવા પર જયેશે કહ્યું, આ આશ્ચર્યજનક છે કે, અક્ષય હવે એ જ જમીનનો માલિક છે જ્યાંથી અમને ભગાડી દીધા હતા. એ દિવસો દરમિયાન રોડ પર શૂટિંગ કરવું એક સામાન્ય વાત હતી. જયેશ એ શૂટિંગ માટે આગળ કહે છે કે, એ સમયે બંગલાની દીવાલ પર અક્ષય બેઠો અને વોચમેન આવી ગયો, અમને ત્યાંથી ભગાડી દીધાં, પોલીસની ધમકી આપી અને અમારો પીછો પણ કર્યો. જોકે, અમે ત્યાં કેટલાક ફોટોઝ લેવામાં સફળ રહ્યાં હતા.
અક્ષયના વર્કફ્રંટની વાત કરીએ તો અક્ષયની ફિલ્મ સૂર્યવંશી આ જ મહિને 23 માર્ચે રિલીઝ થવાની છે. અત્યારે તે તેની અપકમિંગ ફિલ્મ લક્ષ્મી બોમ્બ અને અતરંગી રેની શૂટિંગમાં વ્યસ્ત છે.