અક્ષય કુમારને જબરદસ્ત ટક્કર આપશે તૈમુર કરીનાએ આપી ઓપન ચેલેન્જ

ફિલ્મ ઇન્ડસ્ટ્રીમાં તૈમુર સૌથી લોકપ્રિય સ્ટાર બની ચુક્યો છે. ઘણીવાર સોશિયલ મીડિયા પર તૈમુરની તસ્વીરો વાયરલ થતી હોય છે. 1 વર્ષની ઉંમરમાં જ તે પિતા સૈફ અને માતા કરીના કરતાં વધુ ચર્ચામાં રહે છે.
 
તાજેતરમાં યોજાયેલ એક ઇવેન્ટ દરમિયાન કરીના કપૂરે અક્ષય કુમારને ચેલેન્જ આપી છે. કરીનાએ કહ્યું છે કે ચાહકોની બાબતમાં તૈમુર અક્ષય કુમાર જબરદસ્ત ટક્કર આપશે. તેની સાથે જ એન્કરે કરીનાને 'સુપરસ્ટાર એન્ડ મધર ઓફ સુપરસ્ટાર' કહીને સ્વાગત કર્યું હતું.


આ વિષય પર કરીનાએ પ્રેક્ષકોની વચ્ચે બેઠેલા અક્ષય કુમારને ખુલ્લી ચેલેન્જ આપી હતી કહ્યું હતું કે 'અક્ષય હું તમને કહું છું કે તૈમુર તમારા પર બહુ ભારે પડશે. જો તૈમુરની કોઈ ફિલ્મ અક્ષયની ફિલ્મ સાથે રિલીઝ કરવામાં આવે તો મારા પુત્રની ફિલ્મ વધુ કમાણી કરશે.'


તૈમુર વિશે વધુ વાત કરતા કરીનાએ કહ્યું કે "લોકો તે નક્કી નથી કરી શકતા કે તેઓ મને સુપરસ્ટાર કહે કે સૌથી નાના સુપરસ્ટારની માં કહે. મીડિયા દ્વારા ચર્ચામાં રહેતા તૈમુર વિશે કરીનાએ કહ્યું કે 'હું પાગલ છું અને મને તેની ચિંતા પણ થાય છે ઘણી વખત હું તેને કાળો ટીકો પણ લગાડું છું. આ બધું જોતા હું નથી ઇચ્છતી કે તૈમુર ઘરથી બહાર નીકળે.